سبب عدم تقديم عادل إمام أعمال جديدة

كشف المخرج رامي إمام، نجل الفنان عادل إمام، عن سبب عدم تقديم والده أي أعمال جديدة في الفترة الأخيرة.

قال “إمام” خلال لقائه مع الإعلامي عمرو أديب في برنامج “الحكاية“، المذاع عبر شاشة “mbc مصر”: “عادل إمام عمل كل حاجة في الحياة، فيوم ما هيجي يفكر يعمل حاجة جديدة دلوقتي بيقولي هاتلي موضوع يا رامي بس يكون عاجبني ومناسبني، أصل إيه اللي هيخليه ينزل النهاردة ويشتغل إلا لو هو مقتنع بالموضوع؟”.

نرشح لك: عبر مكالمة.. عادل إمام ينفي إصابته بـ”الزهايمر”

أضاف: “هو دلوقت مقرر لو جاله موضوع حلو يعمله، وبيقول أنا قاعد دلوقت مستمتع بأولادي وأحفادي لحد ما يجي موضوع حلو”.

وعن شائعات مرض “الزعيم” الأخيرة رد “رامي”: “أبويا رباني أنا ومحمد وسارة على الإشاعات وقالنا اوعوا تزعلوا ولا تضايقوا منها، وهو دلوقت مستمتع بوقته معانا ومع أحفاده اللي كان بقاله كتير جدا مقعدش معاهم، لأن عادل إمام مشفناش في حياته كتير ولا شبع مننا، أمي اللي كانت شايلة مسئولية كبيرة جدا، فمن حقه دلوقت يرتاح شوية ويقعد في البيت”.

كما أوضح أنه طلب منه مؤخرا أن يصطحبه ليشاهد فيلمه الجديد “فضل ونعمة”، وهو يحاول حاليا أن يصطحبه لأحد السينمات لمشاهدة الفيلم بالفعل أو أن يعرضه له بالمنزل.

في نفس السياق، نفى الفنان الكبير عادل إمام، إصابته بـ”الزهايمر” وذلك بعد انتشار أخبار خلال الأيام الماضية تؤكد ذلك، مع نفيها من جانب عائلة الزعيم.

قال “إمام” خلال اتصالا هاتفيا لـ”ET بالعربي“: “أرد علي إيه، مش أول مرة تتقال الحكاية دي وأنا مبردش على الحاجات دي.. أنا الحمد لله قاعد في بيتي، وعندي عزبة قاعد فيها مع ولادي وأحفادي، ومبسوط الحمد لله.. وأصدقائي بيجولي لحد عندي بيقعدوا معايا وبتبسط بيهم ومبسوطين بيا.. وبنحضر إن شاء الله”.