عمر كمال عن اتجاهه للمهرجانات: "أنا بشتغل لذوق الناس"
قال الفنان عمر كمال، إنه لا يفكر في إعادة أغانيه القديمة وطرحها مرة أخرى، موضحا أنه قديما كان يغني أغاني حزينة وقدم شخصيته بها، ولكن الناس لم تقبلها لذلك لجأ إلى أغاني المهرجانات.
أضاف “كمال” خلال لقائه في برنامج “مساء dmc” مع الإعلامي رامي رضوان المذاع عبر شاشة “dmc”، أنه لا يعتب على الناس لأن كل شخص له ذوق معين، وهو يعمل على ذوق الناس، موضحا: “أنا بشتغل للناس والناس ليها ذوق معين، كنت بعمل لون محترم مكلش مع الناس طيب أعمل إيه؟”.
نرشح لك: مي عز الدين تعلن عن مسابقة جديدة بفستان مسلسل “دلع بنات”
أوضح: “أنا كنت بخش أوردر ألاقي شب بتاع مهرجانات بياخد 7 آلاف جنيه وأنا والفرقة ناخد 1200 جنيه، وأنا قاعد مستني ربنا يشاور.. قلبت في 2019 للمهرجانات، ومشيت الفرقة عشان كانت حمل عليا”.
أردف: “رحت قلت لواحد صاحبي أنا عايز أغني مهرجانات، وكان في كاركترين في الوقت ده حمو بيكا وحسن شاكوش، بس بيتكلموا في المهرجانات لغة جديدة وأسماءهم غريبة، قعدت ادرسهم درست حمو ده بيتكلم إزاي؟ وبيقول إيه؟ وكلمته قلت له في فكرة عايز أعملها، قالي تعالى على إسكندرية رحت له على إسكندرية وعملنا أول مهرجان ضرب”.