أحمد جمال: "لو دورت على الارتباط حياتي تتشقلب!"
ريهام عسل
تحدث الفنان أحمد جمال عن ما يخص حياته العاطفية، وتفكيره في الارتباط بالوقت الحالي وطريقة تعامله مع المعجبات.
قال “جمال” في مقابلة لبرنامج “لايت شو”، مساء الخميس، المذاع على قناة “الحياة” إنه يقابل نوعيات مختلفة من المعجبات، وطريقة تعاملهن معه تختلف باختلاف الفئة العمرية، مشيرا إلى أن دائما الأصغر سنا تكون مشاعرهن جياشة، على حد وصفه.
نرشح لك: عمر كمال عن اتجاهه للمهرجانات: “أنا بشتغل لذوق الناس”
أشار “جمال” إلى أنه يفكر في موضوع الارتباط ولكنه لا يسعى إليه تاركا ذلك للنصيب، مضيفا عن تعامل أسرته معه حول هذا الأمر: “فيه زن بدأ من السنة اللي فاتت اللي هو يلا بقى.. فكرة إن الوقت بيجري ومش عايزين المزيكا تخطفك من حياتك”.
تابع: “أنا بحس أن حياتي ماشية كويس، لو أنا اللي رحت دورت على الارتباط ممكن تتشقلب.. فبحس اللي هو راح جاب لنفسه، فأنا سايب الموضوع يجي علشان لما هو يجي أبقى أنا خلاص راضي وعارف إن ربنا بعتها، يعني مبقاش أنا بسعى لحاجة ربنا مش عايزها دلوقتي”.