تعليق أحمد سلامة على الصور الجريئة لابنته سارة
هدير عبد الوهاب أحمد سلامة
علق الفنان أحمد سلامة، على الصور الجريئة لابنته الفنانة سارة سلامة، التي تثير الجدل على مواقع التواصل الإجتماعي، نافيًا حدوث أي خلافات بينهما بسبب ذلك.
قال ” سلامة” خلال استضافته في برنامج “نص الكلام” مع الإعلامية راغدة شلهوب عبر قناة “النهار”، إن تم مهاجمته وانتقاده بسبب ابنته وهذا لم يحدث معه طوال مشواره الفني، لافتا: “قولتلها ماتعملش كدة تاني، والأفكار دي برة مش هنا، إحنا مجتمع شرقي وماينفعش نتخطاه”.
نرشح لك: أمير كرارة: مسلسل الاختيار رسالة للعالم
أضاف: “عشان تسيطري على هذا الجيل مسألة صعبة جدا، وفعلا السوشيال ميديا بتربي معانا، إحنا زمان كان عندنا الإمكانية نقولهم يشوفوا ومايشوفوش إيه، لكن دلوقتي الموبايل إللي أنا شايفه نقمة على العالم، جعل أفكار الشباب منفتحة وشايفين إن كل حاجة عادي”.
تابع: “في مسلسل “ابن حلال” كانت لابسة “شورت” وأنا وهي اتهاجمنا بسبب الحكاية دي، كان أول عمل تعمله وفي ستايلست للمسلسل فقالتلها تلبس كدة، وهي بتسمع الكلام ومتعرفش ومش فاهمة خالص، لأن كان عندها 18 سنة ومعندهاش الخبرة”.