ألفت إمام: رفضت الإنجاب بسبب التطور التكنولوجي!

شدوى ممدوح

قالت الفنانة ألفت إمام، إنها من قررت ألا تنجب أطفالا، مشيرة إلى أنها خافت عليهم من التطورات التكنولوجية السريعة التي يشهدها العالم الآن.

أضافت “إمام“، خلال لقائها مع الإعلامية ياسمين عز، في برنامج “كلام الناس”: “اللي ربنا فاتحها عليه وهو بيقرأ بيبدأ يتأمل الأشياء رايحة لفين وهتوصل لفين، ده بيبقى فضل من عند ربنا وأنا واحدة من الناس اللي بعمل اللي ربنا قالي عليه مش حد تاني.. أول آية نزلت على الرسول الكريم (اقْرَأْ بِاسْمِ رَبِّكَ الَّذِي خَلَقَ (1) خَلَقَ الْإِنسَانَ مِنْ عَلَقٍ (2) اقْرَأْ وَرَبُّكَ الْأَكْرَمُ (3) الَّذِي عَلَّمَ بِالْقَلَمِ (4) عَلَّمَ الْإِنسَانَ مَا لَمْ يَعْلَمْ (5))”.

نرشح لك: تعليق أحمد سلامة على الصور الجريئة لابنته سارة

أردفت: “أنا مع الوقت والتقدم التكنولوجي اللي بقينا في خفت على الطفل اللي هنجبه من الموبايل وتطور النت السريع، ده أه هيخلي الدنيا قرية صغيرة بس أنا هاخد إيه من القرى المجاورة؟ أنا كنت في القرية بتاعتي عارفة الأدب والأخلاق والتدين الطبيعي مش لازم أربي دقن أو أغطي عقلي“.

في نفس السياق قالت “إمام“: “الحاجات لما يبقى تطورها زيادة عن اللزوم الواحد بيبدأ يقلق وده اللي إحنا خايفين منه وده اللي خلاني أقرر ماجبش طفل.. أبويا وأمي وجدودي ربوا على أن في حاجات عيب، وده مش بتاعك، بلاش تبص للفوق بص للتحت عشان رقبتك ماتتكسرش.. كان في نمط تربية خلى الناس كلها يكاد يكونوا شبه بعض بداية من الطبقة العالية جدا المرفهة للطبقات المتوسطة وحتى الفقراء اللي ربنا خالقهم كده”.

أردفت: “بابا كان بينزل يتهلك في الشغل وماما كانت متابعاني أنا وإخواتي.. في معلم في البيت بيدي الفضائل والتربية الحميدة وفي المدرسة بيكملوا الجزء ده وأنا نفسي المدرسة يرجع ليها دور في التربية أكتر من التعليم، أنا عندي حد يبقى متربي كويس أوي أحسن ما يقرا ويكتب.. ماكنتش هقدر أخلف وأنا بنزل شغل كان مين هيتابعه وقتها؟ هسيب قلبي لمين؟ وكانت ماما وقتها توفت“.

ألفت إمام الإنجاب التطور التكنولوجي برنامج كلام الناس رئيسية نيوز ليتر ياسمين عز