محمد الشرنوبي: رسالة واتساب سبب إلغاء حفلي بالأوبرا
قال الفنان محمد الشرنوبي، إن السبب وراء إلغاء حفله، بدار الأوبرا المصرية، هو رسالة واتساب وصلت لجيهان مرسي مديرة مهرجان الموسيقى العربية من المنتجة سارة الطباخ.
أوضح “الشرنوبي” خلال لقائه ببرنامج “ET بالعربي” أنه تفاجأ عن طريق الجمهور أن تذاكر الحفلة تم سحبها من السوق، مضيفا: “قالوا لي إن مديرة الشركة اللي كنت ماضي معاها بعتالهم رسالة واتساب بيان صحفي بيقول إني مش من حقي أشتغل في أي حتة ولا أعمل أي حفلات، أنا عرفت المعلومة دي من حد من الشئون القانونية في الأوبرا، هي الشئون القانونية بتستند لرسالة على الواتساب؟”.
نرشح لك: بسبب المهرجانات.. مصطفى كامل: إحنا في أدنى مراحل الإسفاف
أشار إلى أن موقفه القانوني سليم 100% بعد انتهاء العقد بينه وبين المنتجة سارة الطباخ بشكل نهائي حسب قرار المحكمة، مضيفا: “أنا عايز أقولهم إن أنتوا وقفتوا حفلة بدون وجه حق وامتنعتوا عن تنفيذ حكم المحكمة عشان إنتوا مش عايزين مشاكل وقلق من طرف هربان من العدالة”.
أكد على أن النزاعات بينه وبين “الطباخ” مستمرة منذ فترة كبيرة لأنها ممثلة لشركة “ايرث برودكشن”، نافيا كلام المحامي ياسر قنطوش حول أنه كان قبل الشركة غير مشهور.
أكمل: “كل الحاجات اللي كانت منورة اللي عملتها كانت قبل شركة إيرث برودكشن ما تظهر في حياتي أصلا.. مكنش عندي مشكلة لو أخدت حقي إني أكمل شغل مع الشركة دي وقعدنا وحصل صلح وبعد كدا عملت مسلسل (ليه لأ) الأجر بالكامل راح لهم وأنا مأخدتش جنيه عليه”.
رسالة على الواتساب من سارة الطباخ كانت سبب الغاء الحفل في دار الاوبرا”..هكذا بدأ #محمد_الشرنوبي لقائه معنا حيث قرر أن يخرج عن صمته ويكشف تفاصيل هذه الأزمة من خلال ET بالعربي خاصةً انه بكل مرة نعتقد أن الأزمة انتهت، نعود ونكتشف أنها مستمرة.. تابعوا اللقاء👇https://t.co/A668CwOl0C pic.twitter.com/cQdTVzpP1X
— ET بالعربي (@ETbilArabi) October 17, 2022
في نفس السياق، علقت الفنانة چيهان مرسي، مديرة مهرجان الموسيقى العربية، على أزمة حفل الفنان محمد الشرنوبي بالمهرجان، والمقرر إقامته يوم الثلاثاء الموافق 1 نوفمبر.
قالت “مرسي” خلال تسجيل صوتي مع “ET بالعربي“، إن إدارة المهرجان ليست في خصومة مع أي من طرفي النزاع وهما المنتجة سارة الطباخ والفنان محمد الشرنوبي، معلقة: “محمد الشرنوبي غنى معايا في مهرجان الموسيقى وعمره 10 سنوات، وبعتبره ابني وبحب صوته ووجوده، ولما سألته في مشاكل؟ قالي لأ، وبدون الدخول في تفاصيل إحنا مش خصم مع حد”.
أضافت: “أي نزاع بين أي فنان وأي جهة بيتعامل معاها أنا غير منوطة بالتحدث عنها، لكن الموضوع حاليا في يد الشئون القانونية وسيتم النظر فيه، وبعدها سنقرر من معه الحق”.