بسبب مشروعها الجديد.. تامر حسني يدعم زوجته

دعم الفنان تامر حسني، مشروع زوجته بسمة بوسيل الجديد، متمنيا أن يكون بداية خطوات كبيرة لها في المستقبل.

نشر “حسني” عبر حسابه الرسمي على موقع تبادل الصور والفيديوهات “إنستجرام”، صورة تجمعه بها معلقا عليها: “مليون مبروك حبيبتي على إنتهاء المرحلة الأخيرة لمشروعك القادم، لما شفت النتيجة النهارده، وإزاي فكرتي وتعبتي في كل تفصيلة في المشروع، وسفر ومشاوير وإهتمام من جودة المنتجات وتغليفها وتجهيزها بجد فرحت بيكي أوي إنتي وكل أصدقاء المشروع”.

نرشح لك: منة شلبي: سيبوا شيرين في حالها

أكمل: “وشفت قد إيه نفسكوا تعملوا حاجة مهمة، ربنا يكرمك إنتي وهما وإن شاء الله هتشوفي نجاح كبير على قد مجهودك الكبير وطلوعك السلم خطوة بخطوة، وزي ما بقولك دايما السيول أولها نقطة، يعني أول خطوة هتجيب وراها خطوات كتير”.

في سياق آخر شارك الفنان تامر حسني الجمهور بمنشور طالبهم من خلاله بكتابة أمنياتهم على أمل أن يتم تحقيقها شرط أن يكون لديهم اليقين بتحققها.

كتب “حسني” في المنشور الذي طرحه عبر “فيس بوك“: “لكل محبيني الكرام.. كلامي اللي في البوست دا نفسي يوصل للكل ومحدش يسألني ليه بقول كدا بس أتمنى من كل قلبي إنكم تعملوا اللي هقوله”

تابع: “أنا والله العظيم بحبكم أوي يا جماعة ولا عمري حسيت نفسي معاكم غير أخ أو حد من عيلتكم، يلا دلوقتي حالاً كل حد فيكوا يكتبلي في تعليقه نفسه يحقق ايه الفترة اللي جاية أرجوكم، شوفوا نفسكوا محققين دا وإن شاء الله هيحصل، أرجوكم أرجوكم اكتبوا اللي نفسكوا فيه وعندكوا يقين كبير بالله إنه هيحصل مش هتخسروا حاجة لو صدقتوني وعملتوا كدا مش جايز اطلع صح.. بس طبعاً نسعى ونجتهد بلا يأس”.