نبيلة عبيد: استأذنت نادية الجندي قبل تقبيلها على مسرح مهرجان القاهرة للدراما
نبيلة عبيد ونادية الجندي
شدوى ممدوح
تحدثت الفنانة نبيلة عبيد، عن لقطة تكريمها في مهرجان القاهرة للدراما بجانب الفنانة نادية الجندي، وأوضحت رأيها في مسلسل “الاختيار”، كما كشفت عن ما إذا كان هناك أعمال قادمة لها.
قالت “عبيد“ خلال لقائها مع الإعلامي عبد العزيز أحمد، في برنامج “مساء الإمارات“، المذاع عبر قناة “الظفرة“: “أول ما وصلت المهرجان كانت نادية الجندي قاعدة ورحبت بيها جدا، فكنا بنستعد عشان ندخل المسرح وكانت دخلتها قبلي وهي كانت واقفة جمبي ففجأتها وقولتلها على فكرة أنا هبوسك على المسرح فقالتلي ماشي“.
نرشح لك: نبيلة عبيد: دوري في “العذراء والشعر الأبيض” من أصعب الشخصيات اللي جسدتها
أضافت: “أنا مستنتش لما أدخل جوه وأعملها المفاجأة دي، أنا أديتها فكرة قبلها أني هبوسها فهي بقت داخلة مهيئة .. لما هي دخلت أنا دخلت بعدها والناس كانت بتحييها فبصيتلها راحت هي جيالي وأخدنا بعض بالحضن فالناس سقفوا أوي أوي لأنهم عارفين أن خلافنا بقاله 30 سنة ومش معروف سببه لأنه كلام فاضي والناس بتوقع“.
أردفت أن الفيلم الأقرب لها من بين أفلامها هو “الراقصة والسياسي“، وذلك بسبب أنه يعرض باستمرار على العديد من القنوات، لافتة إلى أن جيل الفنانات الشباب الآن مختلف عنها، مشيرة: “دول جيل مختلف عني بيعملوا الروايات اللي بتجيلهم والموضوعات اللي بتتعرض عليهم لكن أنا لا، أنا في فترة حصل ده ولكن في فترة كبيرة أنا اللي كنت بجيب الروايات وبختار المخرجين وهم بعد كده اللي بيختاروا المؤلفين“.
وعن رأيها في مسلسل “الاختيار“، قالت “عبيد“: “حاجة عظيمة جداً جداً وبهني كل اللي أشتغلوا فيه، وبيتر ميمي طبعا مخرج عظيم وكل اللي أشتغل وعمل دور فيه عمله حلو أوي، المسلسل مدروس جيد جداً“.
بالنسبة لأعمالها القادمة لفتت إلى: “بحضر حاجة ربنا يوفقنا فيها ونعملها إن شاء الله على خير، وتبقى كويسة وتعجب الناس“.
View this post on Instagram