رد مصطفى كامل على انتقاد صبري فواز لـ "قشطة يابا"

رد الفنان مصطفى كامل، نقيب المهن الموسيقية، على تصريحات الفنان صبري فواز بشأن انتقاده لأغنية “قشطة يابا” للفنان مصطفى كامل، موضحا أن هذا جهل.

أضاف “كامل” خلال لقائه مع الإعلامية إنجي أنور، في برنامج “مصر جديدة“، المذاع عبر شاشة etc”: “ده جهل كده، ده هو لو بيقول كده يبقى بيجهل يعني ايه سينما، ويعني إيه دراما، لما يقول كده، لو هو قالها، ده كده عيب أنه يقول كده، لو هو فاهم كويس مايقولش كده، فيه حاجة اسمها أغنية تخدم العمل الدرامي، لكن لما يكون ده نهج حياتي اللي بغنيه ده موضوع تاني، لكن مصطفى كامل في الغنا لو هو مايعرفش، مصطفى كامل يعني “رحلة عمري”، و “أقوى من الأيام” اللي خلت شباب وقفت على رجليها تاني وقالت أنا أقوى من الأيام ومفيش حاجة هتكسرني”.

نرشح لك: مصطفى كامل: بصمت ومضيت مطربي المهرجانات على الالتزام بشروط النقابة

أضاف: “عيب، أنا بقوله عيب لو هو سامعني، أنا مش عارف هو قاصد بيها إيه لأن أنا معرفوش، اللي ليه وزنه مايتدخلش فيما لا يعنيه، يعني أنا لو شوفت له أي حاجة هو قالها، إيه الداعي أني على صفحتي أكتب عنه غير إني فاضي أو عندي حاجة مش مظبوطة، ولا ابص عليه خالص لأنه هو حتى ماحترمش حاجة اسمها زميل نجح قبله رغم أنه ممكن يبقى سنه أكبر منه، هو محترمش مشوار راجل نجح، احترم الناس”.

أشار: “إحنا ليه وصلنا كده ولما إحنا بنكره ده في الناس العادية اللي بيبقى جواها احقاد وبتتنفس غل علينا، إحنا ليه كناس في بيئة واحدة ومجتمع واحد، إيه اللي يخلي واحد يتطاول على واحد سواء بالسخرية أو بالنقد، أنت مالك؟ إذا كنت أنت طالع تنظر فمصطفى كامل جاب حق دولته، وحق ولادك خلاهم يسمعوا حاجة نضيفة، حاب حق مصر وولاد مصر، وخلى المواهب تمارس حقها الشرعي”.

أردف: “أنا مبحبش أغلط في حد إلا إذا غلط فيا.. في وقت من الأوقات بتبقي قادرة فيه على المناوشات أنا النهاردة في كرسي مهم ومقعد مهم ومحترمه جدا لما تسأليني في جانب شخصي كنت أعرف أرد وأنا فنان النهاردة أنا راجل مسؤول وفي حاجات صغيرة أوي من ناس صغيرة أوي أنا مش هرد عليهم”.