خالد الجندي: الرئيس "السيسي" يقدر ما يعانيه الناس

قال الشيخ خالد الجندي، عضو المجلس الأعلى للشؤون الإسلامية، إنه دائما ما يستمع إلى شائعات ومحاذير من بعض الناس، موضحا أن كل ذلك ليس له أساس من الصحة، فالحياة طبيعية وكل شيء يعمل بشكل طبيعي.

أضاف “الجندي” خلال حلقة اليوم من برنامج “لعلهم يفقهون” المذاع عبر شاشة “dmc”: “الحياة عادية تماما المصانع والمدارس والجامعات شغالة حتى مباريات كرة القدم شغالة، حتى المسارح والأوبرا والمقاهي والمولات شغالة، في أزمات وغلاء معيشة طبعا، إذا كان الغني أشتكي”.

نرشح لك: خالد الجندي: نحن في حالة حرب علينا الصبر

أشار: “في أكتر من أن رئيس الدولة يطلع يقسم بالله يقول أنا عارف إن أقل من 10 الآلاف جنيه دخل شهري للمواطن ميكفيش، لما يكون رئيس الدولة بيقول لك هذا الكلام بمنتهى الشفافية والصراحة يبقى هذا الرجل مقدر لما يعانيه الناس، إنما الله قال (لا يكلف الله نفسا إلا وسعها) كل ما في المسألة حالة من حالات الصبر”.

أوضح: “طبعا البعض متوقع إني أدور الحلقة على الحيض والنفاس البعض مستني أكلمكم عن الجنابة وكيفية التطهر منها، وعن حكم تحريك الخاتم أثناء الوضوء، الحاجات دي ليها كل الاحترام والتقدير إنما مش دلوقتي، لأن عندنا ما هو أهم من ذلك، الأمر جلل الخطب جلل، أحداث عالمية، العالم كله بيعاني.. في الحرب العالمية شغالة”.

أردف: “الحرب العالمية شغالة والموجات الترددية بتاعتها بتختلف من دولة إلى أخرى.. حبايبي اللي قاعدين بينظروا على السوشيال ميديا وعندهم سقف طموحات عالي لازم يعرفوا إننا في حالة حرب وتداعياتها جت علينا، إحنا مش وقت أي طلبات خاصة.. لو أنت قاعد في المترو وواحد بيفتي من اللي قاعدين على المراتب ويقولك المفروض وإحنا اتظلمنا وفين الريس، أنا عايز كل واحد يكون عنده القوة أنه يرد ويصد”.