خالد الجندي: العيل بييجي برزقه "فكرة غبية"

إسراء حسن

أشار الشيخ خالد الجندي، إلى أن التعداد السكاني لمصر يزداد سنويا نحو 2.5 مليون نسمة وهذه الزيادة تلتهم التنمية، قائلا: “مهما كانت قدرتك على التنمية والمشاريع وبناء الشقق وتجهيز البيوت واستصلاح الأراضي هتفضل الزيادة السكانية مشكلة كبيرة”.

عبر “الجندي” عن رفضه التام لترديد المصريين مقولة (العيل بييجي برزقه) خلال تقديمه لبرنامج “لعلهم يفقهون” المعروض عبر شاشة “dmc” اليوم الخميس، قائلاً: “الفكرة الغبية اللي جات في دماغ بعض الناس اللي بتقولك كل عيل بييجي برزقه، الواقع اهوه بيقول إن 90% من الأحياء ربنا سبحانه وتعالى ضيق عليهم رزقهم، فـ عاوز اقول بقى إن الرزق مش مال بس”.

نرشح لك: خالد الجندي: نحن في حالة حرب علينا الصبر

تابع: “أنا يلفت نظري قول الله تبارك وتعالى (لينفق ذو سعةٍ من سعته)، شوف ربنا الواحد العليم قالك كل واحد يصرف على قده، الآية بتقول كدا، وفيه ناس ربنا ضيق عليهم في الرزق ودا وارد في القرآن”.

خلال حديثه قدم “الجندي” نصيحة عامة للمشاهدين قائلاً: “اللي ظنه في الله خير ميخافش على رزقه.. لن يضيعك الله، اللي واثق من ربنا يفصل دماغه خالص عن اي كلام ويستعين بالله، رأيك في ربنا هو اللي هيحدد حالتك، وهو اللي هيحدد هتعرف تنام في الايام اللي جايه ولا لأ، وهو كمان اللي هيحدد قدرتك على التحمل والتكيف مع المصاعب”.

كان قد ذكر الشيخ خالد الجندي أن ضرورة عدم الالتفات إلى الدعوات والمطالب الخاصة والفئوية في الوقت الحالي والتي يطالب بها البعض على صفحات السوشيال ميديا، لافتا إلى الإنجازات التي تشهدها مصر في الفترة الأخيرة.

قال خالد الجندي خلال برنامجه “لعلهم يفقهون” المذاع عبر قناة “dmc” إننا نمر بحالة حرب ويجب أن يكون الجميع في حالة اصطفاف واستنفار، مضيفا: “أنا عايز كل واحد يكون عنده القوة إنه يرد ويوضح المشاريع اللي اتعملت، والكهربا اللي اللي مبتتقطعش، والماية اللي بتوصل لبيوتنا، والسلع غالية آه بس موجودة