شاهد.. جيلان علاء وزوجها يحكيان تفاصيل قصة حبهما

جيلان علاء وزوجها يحكيان تفاصيل قصة حبهما
إسراء حسن

كشف الملحن والموزع الموسيقي عز شهوان، عن بداية قصة حبه مع زوجته الفنانة جيلان علاء، مشيرا إلى أنها بدأت العام الماضي بعد آخر لقاء لهما مع الإعلامية منى الشاذلي.

قال “شهوان” خلال حلوله ضيفا على برنامج “معكم منى الشاذلي“، برفقة زوجته جيلان علاء، مع الإعلامية منى الشاذلي عبر شاشة “cbc” مساء اليوم الخميس: “يوم ما مشينا من هنا بليل، وصلتها البيت واعترفتلها، اللي حصل إننا وإحنا قاعدين هنا حصل كهربا وقبلها إحنا كنا صحاب عادي مفيش أي حاجة، فضلت طول الطريق أفكر أقولها النهارده ولا بكره ولا بعد بكره، بس خدت زهو الموقف وإننا كنا مبسوطين، فعملت زي أي راجل ساذج وقولتلها وإحنا في العربية وقالتلي لأ مش موافقة”.

نرشح لك: عقد قران طارق صبري وشيري عادل

تابع: “هي لما رفضتني مقالتليش لأ، هي قالتلي أنا مش جاهزة دلوقتي، يعني مش لأ خالص بس أنا هأجلك شوية عشان منواجهش ودي كانت أسوأ بكتير”.

اختتم: “بعد ما رفضتني بيومين جات حبت تعالج الموضوع فبوظته خالص وحسيت إنها جات على كرامتي فقولت خلاص، وقولتلها إحنا هنركن كل حاجة على جمب وعندنا مشروع غنائي نخلصه الأول وإحنا كدا كدا مفيش بينا حاجة تخليني اتضايق فتمام”.

من جانبها، أوضحت جيلان علاء سبب رفضها له في ذلك الموقف، إذ يعود إلى خوفها الشديد من فكرة الزواج بسبب تجاربها السابقة وإيمانها بعدم إمكانية اكتمال أي علاقة من هذا النوع. مردفة: “مفيش راجل بيجي يقول لواحدة أنا بحبك وعاوز اتجوزك، دايما بتبقى هي بتحبه اوي وهو خايف، أو هو بيحبها وهي مش عارفة، فأنا عمر ما حد طلبني للجواز، لما طلبني خوفت وقولت أكيد كذاب والموضوع مش هينتهي نهاية سعيدة”.

وعند سؤالها عن سبب تغيير رأيها في الفكرة واعترافها بحبها، أجابت: “أنا استعبطت، كان جوايا حاجة بس كنت خايفة منكملش وكنت متوترة جدا، بس جيت في يوم بعدها بشهرين وإحنا قاعدين بنفطر قولتله أنا بحبك”.

يذكر أن الثنائي جيلان علاء وعز شهوان، احتفلا بزواجهما يوم الجمعة الموافق 14 أكتوبر الماضي.