بسبب مسلسل "الضاحك الباكي".. ياسمين عز تدافع عن فردوس عبد الحميد
ياسمين عز تدافع عن فردوس عبد الحميد
دافعت المذيعة ياسمين عز عن الفنانة فردوس عبد الحميد، بعد الانتقادات التي تعرضت لها بسبب دورها في مسلسل “الضاحك الباكي”.
قالت “عز” خلال حلقة اليوم الجمعة من برنامج “كلام الناس“، المذاع عبر شاشة “mbc مصر”: “سواء الدور مناسب للفنانة فردوس عبد الحميد أو لأ، لكن لازم نعرف الفرق بين النقد والتطاول.. مش معنى إن الدور مش عاجبك إنك تهين صاحبه، وعشان حضرتك تبان عميق ودمك خفيف تشطب على كل تاريخها عشان دور مش عاجبك”.
نرشح لك: مواعيد عرض مسلسل “الضاحك الباكي”
أضافت: “الغريب كمان إن ناس كتير لما بيلاقوا موجة من التريقة والسخرية على حد والحد ده مالوش ضهر أو ألتراس بيدعموه على السوشيال ميديا، يقوموا هما كمان يتريقوا رغم إنهم مشافوش العمل ده ولا الدور اللي بيتكلموا عليه أساسا، رفقا بالفنانة الكبيرة فردوس عبد الحميد ورفقا بالناس عموما لأن مفيش حد مبيغلطش”.
ياسمين عز عن الهجوم على فردوس عبدالحميد: في فرق بين النقد والتطاول واللي بتتريق عليه النهارده بكره تبقى مكانه
تقدر تشوف الحلقه كامله على شاهد (اتفرج ببلاش)https://t.co/Ddga0AC1c7#كلام_الناس#MBCMASR pic.twitter.com/r6K3O9LVWp— MBC مصر (@mbcmasr) October 28, 2022
مسلسل “الضاحك الباكي” يتناول قصة حياة الفنان الكبير نجيب الريحاني منذ الطفولة، ويبرز الجوانب الإنسانية والاجتماعية في حياته، والحياة السياسية التي عاشها، خاصة ثورة 1919 والحربين العالميتين الأولى والثانية، ودستور 1923، والاحتلال الإنجليزي لمصر .
ويشارك في المسلسل كلاً من الفنان عمرو عبد الجليل، فردوس عبد الحميد، رزان مغربي، محمد سليمان وغيرهم، ويأتي المسلسل من تأليف محمد الغيطي وإخراج محمد فاضل.
وتعرض قناة “cbc” مسلسل “الضاحك الباكي” يوميًا من السبت إلى الأربعاء، في الساعة 8 مساء، ويتناول السيرة الذاتية للفنان الراحل نجيب الريحاني.
يعاد المسلسل في تمام الساعة الـ 2:30 صباحًا، والـ 12 ظهرا، على قناة “cbc”، فيما تعرض قناة “cbc دراما” الساعة 11 مساء ويعاد في الساعة الـ 5 صباحا والـ 10 صباحا والـ 4 عصرا.