منال عبداللطيف تتحدث عن رعايتها لطليقة زوجها قبل وفاتها
منال عبد اللطيف
ريهام عسل
كشفت الفنانة منال عبد اللطيف عن طبيعة العلاقة التي جمعتها بطليقة زوجها قبل وفاتها وتربيتها لابنة الأخيرة وتدعى “مريم” بعد وفاتها والتعامل معها كواحدة من بناتها.
قالت الفنانة خلال استضافتها مع الإعلامية ياسمين عز في برنامج “كلام الناس” المذاع عبر قناة “MBC مصر” إنها كانت على تواصل دائم مع طليقة زوجها كونها تحرص على أن تكون هناك علاقة جيدة بينهما، خاصة مع وجود أولاد هم أخوة، فكان يجب أن تربط الطرفين ببعضهما البعض.
نرشح لك: منال عبد اللطيف: تحجبت بإرادتي وأرفض التمثيل بالباروكة
تابعت: “لما هي تعبت في الفترة الاخيرة كانت موجودة معايا في البيت، حبيت إن مريم متبقاش لوحدها وفاطيما الله يرحمها .. لازم قبل ما يكون فيه مسميات يبقى فيه إنسانيات”.
أضافت في تعليقها على موقف المحيطين بها تجاه ما قامت به لطليقة زوجها: “الجيران حواليا كانت تقولي انتي إزاي طليقة زوجك قاعدة عندك في البيت، لأ هو المسمى أنا بعيدة كل البعد عنه؛ في الإنسانيات دي حد محتاج رعاية ويكون معاها خاصة إنها مكنتش مصرية وملهاش حد هنا”.
واصلت “عبد اللطيف”: “فرح، مريم، نور التلاتة عند منال واحد، التلاتة بناتي وحبايبي .. مريم أول ما جت عندي قولتلها عايزاني أعاملك مامي التانية ولا مرات بابا اختاري، قالتلي إيه الفرق”.
أكملت: “قولتلها لو أنا مامتك التانية هيبقى زيك زي فرح واعرف كل أمور حياتك، لكن لو أنا مرات باباكي هيبقى كل اختصاصي أشوف أمور البيت بس؛ قالتلي أنا عايزاكي مامتي التانية”.
View this post on Instagram
