ميار الببلاوي: نجلاء فتحي قالتلي رمضان للفقراء بس
ريهام عسل
قالت الفنانة ميار الببلاوي إن الفنانة نجلاء فتحي كانت تحاول إقناعها بتصوير أحد مشاهد فيلم “ديسكو ديسكو” مع الفنان عمرو عبدالجليل، كانت ترفض “الببلاوي” تصويره في شهر رمضان، فأخبرتها “فتحي” بأن رمضان للفقراء فقط، وليس للأغنياء
أوضحت “الببلاوي” خلال استضافتها في برنامج “قعدة ستات” مع الإعلامية مروة صبري والمذاع عبر قناة “القاهرة اليوم” إن معظم مشاهد هذا الفيلم كانت في شهر رمضان، وكانت ترفض تصوير مشهد يجمعها بعمرو عبد الجليل أثناء الصيام، واضطرت إلى دخول الحمام وحبس نفسها به.
نرشح لك: منال عبد اللطيف: تحجبت بإرادتي وأرفض التمثيل بالباروكة
وعلقت على ذلك قائلة: “دخلت الحمام وقفلت على نفسي بالمفتاح وقعدوا يخبطوا عليا، كنت مستنية بس المغرب يأذن؛ كنت بقول لنفسي حتى لو استغفر الله العظيم هعمل حاجة غلط مش في صيام استنى بس لما تبقى المغرب أذنت”.
أضافت عن موقف نجلاء فتحي معها لإقناعها بتصوير المشهد: “قالتلي بصي يا حبيبتي رمضان ده معمول علشان الناس الفقرا والناس الغنية بيعملوا نفسهم إنهم ما بياكلوش علشان قدام الناس الفقرا يعني وكده، رمضان ده بتاع الناس الفقرا مش بتاع الناس العادية، احنا عندنا أكل نصوم ليه؟”.
تابعت ميار الببلاوي: “كانت عايزة تقنعني إني أعمل المشهد فقالتلي إن رمضان ده بتاع الفقرا مش بتاع أي حد، فالموضوع مش محتاج إنك تعطلينا وتأخرينا، خشي اعملي المشهد مفيش حاجة اسمها رمضان .. هي حبيبتي وأستاذتي وبحبها وبتقنع عيلة صغيرة كنت ١٧ سنة إنها تخش تعمل المشهد قبل الفطار”.
يذكر أن فيلم “ديسكو ديسكو” كان قد تم عرضه في عام ١٩٩٤، وشارك في بطولته كلا من: نجلاء فتحي، صلاح ذو الفقار، محمود حميدة، شريف منير، ميار الببلاوي، عمرو عبد الجليل، إبراهيم نصر، وفاء عامر، عبد الله محمود وغيرهم .. ومن تأليف عبد الحي أديب وإخراج إيناس الدغيدي.
