خالد الجندي: علماء زمان مشافوش اللي بنشوفه حاليا

قال الشيخ خالد الجندي، عضو المجلس الأعلى للشؤون الإسلامية، إن العلماء القدماء لهم الفضل على العلماء الحاليين في الأخلاق والعلم، فقد علموهم كثيرا إلا أنهم لم يروا الدعوة في عصر مواقع التواصل الاجتماعي.

أضاف “الجندي” خلال حلقة اليوم من برنامج “لعلهم يفقهون” المذاع عبر شاشة “dmc”، أن الحياة تغيرت بعد عصر مواقع التواصل الاجتماعي، فالآن يوجد العديد من المواقع الإلكترونية التي تدعي إلى الشذوذ والإلحاد والتبشير، موضحا: “علمائنا عليهم سلام الله، علمائنا اللي علمونا وليهم فضل علينا بعد ربما علما وخلقا وسلوكا، لكن هما مشافوش حاجة من اللي إحنا شوفناها حاليا دول مشافوش قد إيه الدنيا بقت مفتوحة عصر السوشيال ميديا بيصب عليك في ملايين المواقع تبشر وشذوذ وإلحاد وتشكيك”.

نرشح لك: رمضان عبد الرازق: الإفطار في رمضان عن عمد من الكبائر

أشار: “كل جماعة إرهابية في العالم لها مواقع لا تعد ولا تحصى، وكل واحد من الناس اللي برا يصحى بدري ويشوف نفسه مفكر يبدأ يفسر القرآن والسنة بطريقته وتلاقي اللي رد عليه بطريقته”.

أوضح: “أي شيخ عندنا حاليا بيقول أي رأي في أي حاجة لو قال لا إله إلا الله محمد رسول الله هيلاقي مئات المواقع اللي بتشتمه وبتشكك فيه، وتلفق له أفلام وصور وأخبار مزيفة الحقيقة دول بيعملوا الكلام ده على كل الرموز التزوير بقى بجح”.

أردف: “في أكتر من أن رئيس الجمهورية يقول إن في بطاقة تموين باسمه وواحد بيصرف بيها، متخيل حضرتك أنه زور بطاقة تموين باسم رئيس الجمهورية عشان يسرق بيها زيت وسكر مش بطاقة مأمور المركز أو شيخ الغفر أو جوز أخته اللي مات، ده بيزور باسم رئيس الدولة، عيني عينك كده”.