ميار الببلاوي: "أحمد رزق قلبه أسود عشان مش راضي يصالحني"
كشفت الفنانة ميار الببلاوي، عن تفاصيل الخلاف بينها وبين الفنان أحمد رزق، والذي استمر لـ سنوات عديدة، مؤكدة إنها لم تقصد الإساءة مطلقًا وأن الأمر كله ما هو إلا سوء فهم.
قالت “الببلاوي” خلال حوارها في برنامج “قعدة ستات” المذاع على قناة “القاهرة اليوم” من تقديم الإعلامية مروة صبري: “أنا عاتبت أحمد رزق وقُلت له أنت قلبك إسود يا أحمد مش بتصالحني ليه؟ والموضوع بدأ إني كنت في مرة بتطلق والوقت ده كان انفصال حنان مطاوع عن أحمد رزق بعد ما كانوا مخطوبين، فأنا لقيت واحدة منزلة صورة حنان وخطيبها وكاتبة عليها أتقل تاخد حاجة نضيفة، وأنا نشرت الصورة عندي من غير قصد، والله ما كنت أقصد أحمد وهو حبيب قلبي، وكان أول مرة يشتغل في حياته كان في مسلسل بتاعي كان لسه جديد”.
نرشح لك: ميار الببلاوي: إلهام شاهين بتشتم علماء الدين!
أضافت: “أنا عارفة كويس إن مستحيل أغلط في أحمد، والصورة اللي نشرتها كان الغرض منها إني ألقح على الشخص اللي انفصلت عنه، ولكن الصحفيين خدوها وبعتوها لـ أحمد رزق، وقالوا إني بقول عليه كده، وبعت لأحمد على الواتساب مردش عليا خالص، ولغاية دلوقتي مخاصمني”.
اختتمت ميار الببلاوي حديثها، قائلة: “أنا مشكلتي فعلًا إن لساني متبري مني، وبتكلم باللي في قلبي جدًا وبفترض في اللي قدامي إنه يكون فاهم، وعمري ما كنت غلاطة حاشا لله، ومفيش بيني وبين أي حد من أصدقائي من الوسط الفني الجيل بتاع زمان ودلوقتي”.