أم جيدة ولا تؤيد الزواج في سن مبكر.. أبرز تصريحات كارمن سليمان في "ABtalks"
هدير عبد الوهاب كارمن سليمان
حلت الفنانة كارمن سليمان ضيفة في برنامج “ABtalks” مع الإعلامي أنس بوخش على قناته الرسمية على موقع “يوتيوب“، تحدثت فيه عن جوانب عديدة في حياتها الشخصية وطريقة تعاملها مع الشهرة، وعلاقتها بزوجها، ورأيها في الزواج المبكر، وتجربة الأمومة مع ابنها الوحيد “زين”.
نرشح لك: بينهم فنانين ومخرجين وكُتاب.. النجوم يشيدون بمسرحية “كيوبيد”
وفيما يلي أبرز التصريحات:
1- في حاجات كتير ماعشتهاش لوحدي زي إن أنا أسافر لوحدي اتفسح.. يمكن لو مكنتش اتجوزت كان موضوع السفر ده محصلش، لأن أنا أصلا مش من القاهرة أنا من محافظة الشرقية، فالمدينة الصغيرة دي عمر ما أي طفل فيها هيفكر أنه يسافر لوحده، بس لما روحت برنامج “arab idol” بقيت أقدر أقول أنا عايزة أسافر عشان بقى عندي شغل ودخل.
2- بحب الشهرة، بس اتعلمت إزاي مخليهاش تخنقني، لأنها كانت بتخنقني قبل كدة.. لما ألاقي ناس كتيرة جاية تتصور معايا، كنت بحس إني اتخنقت لدرجة إني كنت بلاقي التصرف بتاعي مش حلو، والناس كانت بتشوفني تنكة ومغرورة، وتوصلت في الآخر إنه عادي هخرج في كل الأماكن وأي حد هيجي يتصور معايا هقبله بكل ابتسامة مهما كان عندي مشاكل.
3- أنا أم كويسة، بهتم بكل حاجة تخصه وبحب أعمله كل حاجة ومابحبش أفرض عليه حاجة، بس كنت شوية بحس إن أنا بسيبه وقت طويل، لحد لما اتكلمت مع كذا أم، بقولهم معنديش خلق إن طول الوقت العب معاه، قالولي أنتي مش لوحدك ماتفكريش إن كل الأمهات عايشة أرجوزات لولادهم.. هتلاقيهم برضو زهقانين والولاد متعايشين عادي.
4- مصطفى مش زوج صعب، هو بيطبخ أحسن مني، مابيتقلش عليا في حاجة خالص بالعكس بيحب يريحني، هو منظم وأنا مهرجلة.. فلو زوج تاني كان طفش.
5- أنا عادة مبحبش اتصور خالص، وأصحابي كل لما بيتقابلوا لازم يوقفوا مع بعض يتصورا.. فلما بتيجي وقت الصورة دي بقولهم خلاص بقى يا جماعة اتصورنا 60 مرة.