مصطفى حسني عن تأخر الزواج: المجتمع يظهر اهتمامه بطريقة غير مناسبة

أجاب الداعية مصطفى حسني، على سؤال إحدى المتابعات، عن تأخر زواجها ونظرة المجتمع لها.

قال “حسني” خلال فيديو له نشره على موقع تبادل الصور والفيديوهات “إنستجرام“، إن نظرة بعض المجتمع تكون قاسية للبنت في هذه الجزئية ومتدخل، مستشهدا بحديث رسول الله صلى الله عليه وسلم: “من حسن إسلام المرء تركه ما لا يعنيه”.

نرشح لك: نصيحة مصطفى حسني لـ تجديد الطاقة الإيجابية

أضاف: “دي بتبقى سخيفة على الراجل أما بيتسأل إيه أخبار الحب والجواز، ولما يكسر التلاتين ما بالك البنت.. يقولك إن شاء الله بدور، إنما البنت هتقولك بدور!”.

أشار إلى أن المجتمع يظهر اهتمامه بطريقة غير مناسبة، مؤكدا على أن الله على كل شيء قدير ورزق السنين يرسله الله في يوم واحد.

أكمل: “استكملي دعائك بالرزق الواسع والزوج الصالح، وتصدقي، وإدعي ولما حد يسألك إيه أخبار الجواز ابتسمي وقولي كله زي الفل، واسألي اللي بيسألك بتسأل ليه! اشمعنى السؤال ده دلوقتي هتلاقي الكلام باظ منه فمش هيسأله تاني، أه فيه ناس بتسأل من اتجاه إحنا جنبك بس نظرة الشفقة منهم مبتكمش مريحة”.

في سياق آخر أجاب الداعية مصطفى حسني، على سؤال أحد المتابعين حول كيفية تجديد طاقة الإنسان إذا أحس أنه فاقدا للشغف، وغير قادرا على إكمال الطريق.

قال “حسني” خلال فيديو له نشره على حسابه الرسمي على موقع تبادل الصور والفيديوهات “إنستجرام”، أن يقوم الشخص بتقسيم مهام حياته لأولويات، ويبدأ بتطبيقها بالأهم ثم الأقل أهمية، مشيرا إلى أن البدء بخطوات صغيرة هي التي تجعله يحقق نجاحه.

أضاف: “ميبصش للأهداف الكبيرة اللي ممكن تشعره أنه بعيد جدا عنها، وأنما يبص على الخطوة اللي مطلوبة منه دلوقتي، وواحدة واحدة براحة، وممكن تعمل حاجات مش حاسس بيها بس استمر”، مؤكدا على ضرورة عدم الاستسلام والاستمرارية.

إنستجرام الداعية مصطفى حسني الزواج تأخر الزواج رئيسية مصطفى حسني