ميرهان حسين ترد على اتهامات تقديمها أدوار جريئة

قالت الفنانة ميرهان حسين، إنها لم تقدم أدوار جريئة من قبل ولا تعرف سبب وصفها بالفنانة الجريئة، موضحة أن ذلك قد يكون له علاقة بملامحها، كونها جذابة.

أضافت “حسين” خلال برنامج “اسألني” المذاع عبر شاشة “CBC”: “أنا معملتش أي مشهد فيه حاجة أوفر خالص، لكن ممكن الشكل أو الملامح تكون جذابة، والحمد لله دي حاجة كويسة، أهم حاجة مكونش أوفر أو خادشة لحياء حد، وأنا مبعملش ده خالص”.

نرشح لك: تامر أمين: لم أقصد إهانة شريف مدكور

أشارت إلى أنها لا تغضب من وصف صورها بالجريئة ولكن ما يزعجها هو وصفها بالخارجة، موضحة: “مبضايقش لما يقولوا على صوري جريئة، لكن خارجة وداخلة والحاجات دي ورايحة فين وجاية منين مبحبهاش، إنما جريئة عادي مبضايقش”.

فيما لفتت “حسين” إلى أنها لجأت إلى عمليات التجميل من قبل ولكنها لم تكرر الأمر مرة أخرى لأن النتيجة لم تكن مرضية بالنسبة لها، مضيفة: “حقنت فيلر وبوتكس قبل كده ومكررتهاش، عشان معجبتنيش النتيجة، جربت ولقيت إني مش محتاجة وأنه مش حلو وإني أحلى بشكلي الطبيعي جدا، وأول ظهوري كان قريب جدا من شكلي اللي أنا فيه دلوقتي، الفرق بس السن، بس مش فرق أي حاجة تجميلية، مع إني مش ضد أنا مع أن اللي مضايقه حاجة يصلحها”.

أوضحت أنها لا تخشى من لقب عانس لأنه لقب غير حقيقي، فأهم شيء بالنسبة لها هو العيش في سعادة، لافتة: “أنا عزباء، عزباء جدا، وغير مرتبطة، ومش خايفة من لقب عانس، دي ألقاب طلعها المجتمع ومبفكرش فيها خالص ولا بحطها في دماغي.. يعني لو واحدة اتجوزت 50 مرة هيسموها مزواجة، يعني مش خايفة من لقب مزواجة بس خايفة من لقب عانس!! دي ألقاب ملهاش أي علاقة بالحقيقة، المهم إني أعيش مرتاحة مع نفسي ومبسوطة”.