رأيها دايما صح.. بهاء سلطان يكشف علاقة زوجته باختيار أغانيه
قال الفنان بهاء سلطان، إنه يأخذ رأي زوجته في أعماله الفنية، فدائما ما تكون أراءها صحيحة، موضحا أنها كانت مغنية فقد درست في معهد الفنون المسرحية ولكن لم تستكمل الدراسة به.
أضاف “سلطان” خلال لقائها في برنامج “أنغام“، المذاع عبر شاشة “dmc” وتقدمه الفنانة أنغام: “مراتي بتحب الغنا وكانت بتغني، هي كانت في فنون مسرحية بس مكملتش، وبتفهم لو في أغنية سمعتهالها تقول لي دي جامدة وتطلع جامدة، دي هتنجح تطلع تنجح.. هي فرقت معايا كتير طبعا وباخد رأيها في حاجات كتير وبتطلع صح تقريبا كلها صح”.
نرشح لك: صابر الرباعي يوضح رأيه في إجراء الفنانات عمليات تجميل
أشار: “هي عارفة حكاية الغنا دي وبتتابع وبتسمع كتير، وساعات تضايق وحكاية مستفز دي تقولي أنت مبتسمعش أغاني ليه عشان تغير إحساسك تودي إحساسك في مود تاني تغير من أداءك وتروح بإحساسك في حتت تانية تسمع عبد الحليم أسمع أم كلثوم لما بتلاقيني مبسمعش كلامها بتسبني بس كل فترة لازم تقولي الجملة دي”.
في سياق آخر، قال الفنان بهاء سلطان، إن الفنان علي الحجار له مواقف عديدة معه، حيث إنه حاول مساعدته في بداية مشواره الفني، مؤكدا على أنه يحب صوته ويستمتع بسماعه.
أضاف “سلطان” خلال استضافته في برنامج “أنغام” المُذاع عبر شاشة “dmc” وتقدمه الفنانة أنغام: “أستاذ علي الحجار كان له مواقف معايا، قابلته زمان مرتين وكان من الناس إللي حاولوا يساعدوني بس قبل ما اشتغل كورال”.
تابع بهاء سلطان أن شقيقه الأكبر هو أول من اكتشف موهبته في الغناء مشبها صوته بصوت الفنان عبده الاسكندراني، لافتا إلى أنه نصحه بالالتحاق بكلية تربية موسيقية بعد حصوله على 58% في الثانوية العامة.
أشار بهاء سلطان إلى تفضيلاته في الاستماع للموسيقى، قائلا: “الـ ٧ سنين اللي فاتوا كنت بسمع الشيخ محمد عمران بحبه وبالنسبالي حاجة وهم، والموسيقى التركي بسمع الحاجات اللي أنا مابفهمهاش بس بتبقى ممتعة ليا، قبل كده كنت بسمع لأم كلثوم ومحمد عبد الوهاب وعلي الحجار”.