سحر رامي: لم أعتزل وليست لدي ميول للحجاب

أوضحت الفنانة سحر رامي حقيقة اعتزالها الفن وارتدائها الحجاب لفترة، مؤكدة على عدم صحة تلك الأخبار.

قالت “سحر” خلال لقائها في برنامج “كلام الناس” المذاع عبر شاشة “mbc مصر”: “الناس بتقول إن أنا اللي مش عاوزة أشتغل، كأن الواحد هو اللي بيشغل نفسه، أنا ماتحجبتش زي ما قالوا لأن أنا بعيد خالص عن قصة الحجاب ومعنديش ميول أو مواقف تقول إني ممكن أعتزل وأتحجب”.

سحر رامي

 

نرشح لك: هاني عادل: كل ما وصلت له من نجاح بسبب فرقة “وسط البلد”

 

أضافت: “أنا مثلا مبلبسش قصير ومبعملش أدوار إغراء، دي بتبقى كلها تمهيد إنك عندك ميول إنك تبقي متحفظة، لكن أنا مش متحفظة أنا عادية يعني لو في أدوار مش هتناسبني معملهاش بس من غير ما أحطلها أسباب دينية”.

أردفت: “أنا مفيش قائمة ممنوعات بالنسبالي في الأدوار لأنه بيكون حسب الدور، يعني مفيش علاقة بإني أكون حاطة شروط أو لأ، أنا عاوزة أعمل أدوار كويسة تناسبني شكلا وموضوعا بس”.

يشار إلى أن الفنانة سحر رامي شاركت في عدد من الأعمال المعروفة كفوازير فطوطة مع الفنان الراحل سمير غانم، وفيلم “كابوريا” وفيلم “حرب الفراولة”.

MBC مصر رئيسية سحر رامي سحر رامي عن اعتزالها كلام الناس نيوز ليتر ياسمين عز