عمرو أديب: الغرب هما اللي بوظوا المناخ والبيئة

قال الإعلامي عمرو أديب، إنه هناك أكثر من 55 دولة متأثرة بتأثيرات المناخ من الدولة النامية والفقيرة، موضحا أن خسائر التقدم التكنولوجي الموجود لدى الغرب في العشرين عام الماضيين تزيد عن نصف ترليون دولار.

أضاف “أديب” خلال حلقة اليوم من “الحكاية” المذاع عبر شاشة “mbc مصر”، أن الغرب لا يريدون أن يكون هناك اعتراف عالمي بكونهم سببا في هذه الخسائر لافتا: “ليه كان في مقاومة السنين اللي فاتت في إدراج البند بتاع الأضرار والخسائر، لأن الغرب مش عايزها رسمي، مش عايز يبقى في اعتراف عالمي تاريخي أن هما كانوا سبب في الخساير، مش عشان مسألة تاريخية عشان مسألة مادية”.

نرشح لك: تفاصيل اتصال عمرو أديب بـ شيرين عبد الوهاب اليوم


أشار: “هتبتدي تقول له التعويضات يا غرب، فلوسك يا غرب، أنت بهدلتنا يا غرب، فالغرب بيقولك بلاش حكاية الأضرار والخسائر دي، وبلاش حكاية صندوق التعويضات ده، إحنا هنبتدي نعوض، وفلوس كتير، ما تيجي نقعد واحد لواحد عندك أنت مشكلة، أعمل لك مشروع، عندك أنت حاجة مضايقاك اظبطهالك، عندك مشروعات ابعتلك خبراء، إنما صندوق لا، الاعتراف بالاضرار والخساير لا”.

أوضح: “حقيقة الأمر دي مفيهاش هزار، هما اللي بوظوا المناخ هما اللي بوظوا البيئة، أنت لو تعرف أنت مسؤول عن قد إيه من الانبعاثات، السنة دي 10% زيادة انبعاثات، التلوث بيزيد وسط كل الكلام الحلو، وتلاقي كل الفيديوهات والأبحاث جاية من الغرب وإحنا الشرق مبنعملش حاجة خالص، أنا ضحيتك، أنتوا شوفتوا العالم العربي السنتين اللي فاتوا الأنهار اللي جفت، والمياه اللي قلت، ودرجات الحرارة اللي ارتفعت”.

MBC مصر الحكاية المناخ والبيئة رئيسية عمرو أديب