عفاف شعيب: أحمد زكي كان منبوذا

قالت الفنانة عفاف شعيب، إن الفنان الراحل أحمد زكي طيب جدا، فهو كان بمثابة أخ بالنسبة لها، موضحة أنه كان منبوذا من قبل الكثير.

أضافت “شعيب” خلال لقائها في برنامج “واحد من الناس” المذاع عبر شاشة “الحياة” ويقدمه الإعلامي عمرو الليثي: “هيثم الله يرحمه قالي ده بابا كاتب عنك كلام في المذكرات بتاعته قولت له كاتب إيه؟ قال كاتب إنك وقفتي جنبه وساعدتيه وبتتحدي عشان يمثل وتجيبي له أجره وتتاخنقي بسببه عشان يمثل”.

نرشح لك: عفاف شعيب تكشف علاقة صفوت الشريف بقبول دورها في “رأفت الهجان”

أشارت: “أحمد كان أخ وطيب وكان في ناس كتير بتنبذه، في أستاذ من الأساتذة الكبار قال له أنت جاي المعهد تهبب إيه أنت تروح تشتغل في أي ورشة، أنت إيه اللي جابك الفنون المسرحية، كان ياخد بعضه ويقعد على جنب ويعيط، إحنا قعدنا 4 سنين في المعهد جنب بعض، وأنا كنت بقول الولد ده موهوب.. لقيته غلبان أوي وطول الوقت قاعد لوحده محدش بيكلمه خالص فصعب عليا، قولت له تعالى أقعد معانا يا أحمد فقعد يغني موعود لعبد الحليم وتحس أن عبد الحليم جوا ودانك، أنا كنت بعامله كأخ”.

واصلت: “علاقتنا استمرت لحد ما مات، وفي ناس وقعت بيني وبينه وإحنا في الحج، قعدت اقنعه أنه يحج، وفي ناس ساعدوه، سمع الكلام وقال هحج فأنا فرحت وقلت عشان ربنا يبقى راضي عليه، فأنا بلتزم جدا بطقوس الحج مبفوتش حاجة، ففي ناس وسوسوا له قالوا يا عم خليك قاعد في الأوتيل أنت كده خلاص الحج عرفة فقلت له يا أحمد لازم تروح مِنى قالي طيب خلاص وبعدين رجع قالي أنا مش رايح قولت له أنت حر أنت اللي هتستفيد، قالي لا مش رايح في ناس بقى قالوا له يا عم سيبك منها”.

تابعت: “كان في حد قالي أحمد مقرأش قرآن في عرفة قالي أنا يا ست شيطان من الشياطين قمت وسبتهم وقلت له أوعى تكلمني ورحت على أوضتي، وبقيت طول الرحلة مكلموش، وجالي البيت وقالي أنتي جوهرة غير كل الناس، ابعدي عن الناس دول، أخوكي بينصحك تبعدي عنهم”.