غادة عبد الرازق تكشف تفاصيل شخصيتها في حكاية "تحت الحزام"

كشفت الفنانة غادة عبد الرازق، عن الشخصية التي ستقدمها في حكاية “تحت الحزام”، ضمن حكايات مسلسل “حدث بالفعل”، والذي يضم أكثر من 100 قصة.

قالت “عبد الرازق” خلال لقائها مع “ET بالعربي“، إن سيناريو المسلسل مكتوب بطريقة جيدة، موضحة: “السيناريو مكتوب حلو جدا، ومتحسيش إنك محتاجة تاخدي منه تفاصيل غير إنك تحسي وتأدي الدور، لكن مكنش ناقص فيها حاجة مكتوبة، بالعكس هي جذبتني جدا لدرجة أن إحنا حسينا أن حلقتين ميكفوش فبقوا 3 حلقات”.

نرشح لك: غادة عبد الرازق: أنا زوجة مطيعة في البيت

أما عن التعاون المصري الإماراتي في المسلسل قالت “عبد الرازق”: “التعاون ده في مصلحة المهنة لأنه بيدي فرصة إنك تعملي كل اللي نفسك فيه بدل ما كنا بتعمل 3 حلقات في 4 أو 5 أيام بنعملهم في 10 أو 11، في اللوكيشن نفسه، الناس هتحس ده لما تشوف العمل”.

في سياق آخر كشفت غادة عبد الرازق، عن تفاصيل دورها في فيلم “جوازة بالعافية”، قائلة: “هو فيلم لطيف وكوميدي، وأنا بقالي كتير معملتش كوميديا.. في الأول كنت متاخدة وحاسة أن دمي تقيل ما بين بيومي فؤاد وأحمد آدم لأن دي مهنتهم، شوية شوية لقيت نفسي بفك ولقيت دمي خفيف وممكن يجي مني”.

أما عن مشازكتها في السباق الرمضاني المقبل، قالت: “إن شاء الله في عمل في رمضان ربنا يكرمنا ويطلع على أحسن وجه وأتمنى أن الناس تنبسط بيه”.