سبب تجسيد مدحت صالح لدور العندليب في مسلسل "السندريلا"
قال الفنان مدحت صالح، إنه كان متخوفا من تقديم شخصية الفنان الراحل عبد الحليم حافظ في مسلسل “سندريلا”، خاصة أنه ليس لديه ملامح تشبه ملامح الراحل عبد الحليم حافظ.
أضاف “صالح” خلال لقائه في برنامج “مصر جديدة” المذاع عبر شاشة “etc” وتقدمه الإعلامية إنجي أنور، أن مخرج المسلسل والجهة المنتجة هم من اختاروه لتقديم الدور، لافتا إلى أنه قدم الشخصية بسبب حبه للفنان الراحل عبد الحليم حافظ، وليس بسبب شيء آخر كالشبه وما إلى ذلك لأن عبد الحليم حافظ أعظم في كل شيء.
نرشح لك: حسام حداد يقدم برنامج صباحي لكأس العالم على “beIN SPORTS”
أضاف: “أنا مبتفرجش على نفسي خالص وقت ما أنا بعمل الشغل لكن بعد كده خلاص، حتى الأغنية ببقى بذاكرها وأنا بحفظها مجرد ما أروح أسجلها وتنزل للجمهور أنا كده خلاص، ممكن لو هقولها في حفلة أرجع لها وأذاكرها تاني لكن أنا مش الناس اللي بيحب يشوف نفسه أوي أو يتفرج على نفسه أوي”.
فيما علق “صالح” على الجدل المثار حول شخصية الفنانة فردوس عبد الحميد في مسلسل “الضاحك الباكي”، قائلا: “المخرج يلغي كل آرائنا يلغي أراء كل حد لأن في الآخر هو اللي هيبقى قدامنا إحنا كجمهور وهيبقى قدام النقاد في أن هما يحكموا عليه لما نشوف العمل”.
أردف: “أنا لاحظت حاجة مؤخرا الناس بقى عندها هواية الهجوم قبل ما تشوف العمل وده غلط، فإحنا بنستعجل وبنصدر أحكام فأنا مشوفتش حاجة ولما أتفرج هقول رأيي كمشاهد أنا مش ناقد فني، لكن بحس الناس أنهم مستعجلين شوية.. المخرج له رؤية وهو حر في رؤيته لو أنا المخرج ممكن يبقى ليا رؤية تانية لكن إحنا كلنا محدش فينا المخرج”.