مروة صبري لـ حسام حبيب: غلطان إنك رجعت لشيرين

هاجمت الإعلامية مروة صبري، الفنانة شيرين عبد الوهاب بعد إعلان عودتها لطليقها الفنان حسام حبيب رسميًا، عقب خروجها من المستشفى مؤخرًا، وفقدان تعاطف الجمهور معها.

ووجهت مروة صبري رسالة لحسام حبيب خلال برنامجها “قعدة ستات” المذاع على شاشة القاهرة “اليوم”، قائلة: “أعتقد بعد اللي حصل ده كله حسام حبيب مظلوم، وبقوله أنت اللي غلطان إنك وافقت ترجع، وأنت حر في اللي هيتعمل فيك، استحمل أما يتقال عليك نصبت عليه وبهدلت حياتها وضربتها وضربت بناتها، وحصل فيك كده مرة واتنين وتلاته وأربعة وفي الآخر رجعت، الصراحة أنا مستغرباك”.

نرشح لك: محمد الباز: شيرين عبد الوهاب تستحق الحجر عليها

تابعت: “الإفيه الأعلى أبو حسام حبيب، بالمناسبة هو رافض يعمل مداخلات مع أي حد، وبيلعب على السوشيال ميديا، ومن أسبوعين بيقوله أنت تربية ست، وخدت مني مليون ونص، وأنت مش عارف بتعمل إيه ودمرت حياة شيرين، وحسام طلع قال شرف إني تربية ست”.

تضيف مروة صبري: “شوفوا انهاردة قال إيه والد حسام حبيب، مبروك ليهم رجوعهم، وأتمنى إنكوا تجيبوا لي حفيد بسرعة، أنتوا اللي ردوا، أنتوا بتستخفوا بعقل الجمهور، يا عم خليك بعيد، وكنت رافض شيرين، دلوقتي إنت فرحان وهاتولي حفيدة وبتحب شيرين!”.

واختتمت مروة صبري حديثها موجهة رسالة قاسية للفنانة شيرين عبد الوهاب وزوجها حسام حبيب، قائلة: “أنتوا كده بتلعبوا الكورة بالجمهور، الجمهور كله مشي تبع شيرين لو حبيبته هيحبوه كرهتوا هتكرهوا، وإزاي نصدقك، وفين مصداقية شيرين، وكل يوم طالعة بتصريح وتشتمي فيه، ومع ذلك لو في بينكم مشاكل الدنيا والآخرة، إحنا كل اللي يهمنا منك فنك فقط، والتدخل الزائد في المشاكل الشخصية بقى بايخ”.