بعد تكريمها في مهرجان القاهرة السينمائي.. بكاء لبلبة بسبب والدتها
كرّم مهرجان القاهرة السينمائي الدولي، الفنانة لبلبة، في حفل افتتاح دورته الـ44 حيث تم منحها جائزة الهرم الذهبي التقديرية لإنجاز العمر.
وتذكرت لبلبة والدتها خلال التكريم، مضيفة: “دايما لما ببص على الكواليس بلاقي ولدتي بتشجعني، مفيش مرة طلعت مسرح مكنتش في الكواليس، هقول لكم حاجة، لما كانوا بيعلنوا عن المهرجان تقولي يا نونيا إنتي هتتكرمي المرة دي، ميبقاش فيه نصيب، تيجي السنة اللي بعدها وتقولي هتتكرمي المرة دي إنتي أكتر واحدة اشتغلتي، ومتكرمش”.
أضافت باكية: “دلوقتي أنا بحققلها أمينة، هي مش موجودة وأنا بتكرم النهارده”.
كما تذكرت موقف طريف عن ولادتها: “على فكرة ولدتي كانت حامل فيا وبتتفرج في السينما على فيلم، وجالها وجع الولادة بسرعة لحقوها ودوها المستشفى لو مكنتش لحقوها كنت هتولد في السينما”.
وجاء تكريم القاهرة السينمائي للفنانة المتميزة لبلبة، تقديرًا لمسيرتها الفنية الكبيرة التي قدمتها خلال السنوات الماضية، وتنوعت ما بين المسرح والسينما والتليفزيون والاستعراض.