إيمان العاصي عن مسلسل “العمدة“: لا يشبه “عائلة الحاج متولي“
مسلسل العمدة
شدوى ممدوح
تحدثت الفنانة إيمان العاصي، عن تفاصيل دورها في مسلسل “العمدة“، المقرر عرضه في رمضان 2023.
قالت “العاصي“ خلال لقائها مع برنامج “بالعربي et“: “لما بتسأل عن الأعمال القريبة لقلبي أو اللي كنت بحضرلها بكل مشاعري فهو بيبقى مسلسل (العمدة).. المسلسل بالنسبة لي في منافسة ليا أنا شخصيا مش منافسة زملاء يعني أن أنا أقدر أنقل كاريكاتير في تقلبات وغموض كتير، وحاجات صعبة على (دلال) شخصيا“.
نرشح لك: سمية الخشاب: مش قافلة باب الارتباط
أضافت: “دلال بنت تاجر دهب كبير واللي بيحركها الحب ممكن يخليها تعمل حاجة حلوة أو حاجة وحشة بس أنا بقول عليها شخصية جميلة.. المخرج حاطت حاجات بتساعديني كتير كممثلة في الاسكربيت، أول مشهد فتحنا بيه مسلسل كان أهم مشهد ماستر سين بالنسبة لي، المشهد أخد طول النهار“.
تابعت: “الدعم اللي أدهولي محمد رمضان، ومي كساب، والأستاذة هالة صدقي في المشاهد يعني بصراحة طلع مني حاجة أنا ماكنتش أعرف إني أعرف أعمل كده في دلال .. مفيش أي تشابه مع مسلسل (عائلة الحاج متولي) ، دلال بتلبس عبايات وكمان لبس موديرن بس بطريقة المجتمع بتاعها“.
في نفس السياق، كان الفنان محمد رمضان، قد أعلن عن بدء تصوير مسلسل “العمدة”، إخراج محمد سامي، وتأليف محمد سامي ومهاب طارق، ومن المقرر عرضه في الموسم الرمضاني المقبل.
كتب “رمضان” عبر حسابه الرسمي على موقع التواصل الاجتماعي “فيس بوك“: “بسم الله بدأنا أول أيام تصوير مسلسل (العمدة)، إنتاج السعدي وجوهر، تأليف محمد سامي ومهاب طارق، إخراج محمد سامي.. رمضان يجمعنا، ثقة في الله نجاح”.