ريهام عبد الغفور: أسرتي لم تشجعني على التمثيل

قالت الفنانة ريهام عبد الغفور، إن شخصيتها حدث بها بعد الغيرات عما كانت عليه في سن أصغر، مشيرة إلى أن أي تجربة إنسانية مرت بها أثرت فيها.

أضافت “عبد الغفور” خلال برنامج “حكايتي” الذي يُطرح عبر منصة “Girls’ Space‎‏”: “شخصيتي وأنا صغيرة كنت سهلة الكسر قوي، وبتكسف قوي قوي، ومرة ابني قالي أنتي بتسيبي الناس تدوس عليكي.. فالتغير اللي حصل إني بقيت بتكسف أقل، ولسه بحترم كل الناس بس مش هسيب حد يدوس عليا، دي الحاجة الوحيدة اللي قدرت أغيرها في شخصيتي”.

نرشح لك: ابنة أصالة تكشف تفاصيل عملية والدتها التجميلية

تابعت: “مفيش تجربة تساوي صفر، أكيد أي تجربة إنسانية عديت بيها، سواء كان جواز أو طلاق أو حتى حياة أو شغل، مينفعش منتعلمش منها، وكل ما بكبر بستوعب أن أنا مش ملاك وإن ليا أخطائي ولازم أواجه نفسي بأخطائي، وبكره الإسقاط إني أعلق فشلي على أي حاجة غير الحقيقة”.

وعن موقف أسرتها من دخولها المجال الفني، قالت: “مفيش حد شجعني على التمثيل قوي، لأن أهلي مكنوش موافقين.. أنا شجعت نفسي على التمثيل وحبيته، وبعد كده أهلي بقوا يشجعوني ويحبوا أبقى ناجحة ومبسوطة”.

وفيما يتعلق بقرار طلاقها، أوضحت: “تجربة الطلاق، أكيد الأهل مكنوش حابين بنتهم تتطلق، أكيد حاربوا في الموضوع وحاولوا كتير لحد ما وصلت أنهم سبوني بحرية اختياري”.