عمرو أديب عن ارتفاع الأسعار: دخلنا في اللا معقول
قال الإعلامي عمرو أديب إن أزمة الغلاء أصبحت غير منطقية، خاصة مع استمرار تزايد الأسعار واستقرار سعر الدولار عند مرحلة معينة.
تابع “أديب” خلال برنامج الحكاية عبر قناة mbc مصر: “أنا عندي سؤال مش فاهمه.. لما بدأ تعويم الجنيه والدولار بدأ يزيد وبعدين وقف عند مرحلة 24 ونص، والسلع زادت معاه.. سؤالي اللي مش لاقيله إجابة لماذا يستمر ارتفاع الأسعار؟”.
نرشح لك: عمرو أديب: الطريق الدائري بقا حاجة تانية
أضاف: “إحنا بنتكلم على معدل تضخم شكله كده 20%، لكن إيه هي آليات السوق اللي بتؤدي لارتفاع أسعار الفول والعدس؟ إحنا دخلنا في اللا معقول، أنا بقولك كده السلع هترطرط لأن اللي بيجرى في السوق ده هيبوظه أكتر وأكتر”.
أردف: “الناس انكوت بغلاء الأسعار واتبهدلوا وده في العالم كله حتى بريطانيا، الناس كلها عايشة في مأساة حتى الأغنياء.. الهوانم والبهوات وهما خارجين من السوبر ماركت بيتكلموا في الغلاء”.
(فيه ناس عاوزة تمص دمنا) عمرو اديب يحذر من استمرار ارتفاع الاسعار: هنوصل لمرحلة السلع موجودة ومحدش بيشتريها
تقدر تشوف الحلقة كاملة على شاهد (اتفرج ببلاش)https://t.co/LayFZOKEEy #الحكاية#MBCMASR pic.twitter.com/SCNivd979D— الحكاية (@Elhekayashow) November 19, 2022
في سياق منفصل، حذر الإعلامي عمرو أديب من استغلال بعض التجار للأزمة الاقتصادية، ولجوء بعضهم لرفع أسعار السلع مما يضر بالمواطن محدود الدخل.
قال أديب خلال برنامج الحكاية عبر قناة mbc مصر: “الإجراءات اللي اتعملت من الدولة مؤخرا كفيلة أنها تخلي الألم أقل لأن العالم كله متألم.. فـ دي طبطبة بس محدش قادر ينهي هذا الألم لأنه في إيد ناس تانية.. أي ممارسات لاستغلال الموقف هتبوظ السوق”.
أردف محذرا: “أنا لا بناشد ضمير ولا إيمان ولا بقولكم اتقوا الله ولا خليكم وطنيين.. كل ده مبستخدموش لأنه قلة اللى بتفكر كده.. إنما بقولك هتبوظ السوق ومحدش هيقرب لسلعة”.