على الشريعة الإسلامية.. هالة صدقي تكشف تفاصيل طلاقها
علقت الفنانة هالة صدقي على انتشار مقطع فيديو لها وهي تحتفل وذلك بعد إعلان نبأ طلاقها، وقالت إنها لم تكن تحتفل وإنما الفيديو كان أثناء كواليس تصوير مسلسل “العمدة” المقرر عرضه في رمضان المقبل.
أوضحت “صدقي” خلال مداخلة هاتفية في برنامج “الحكاية” المذاع على شاشة mbc مصر ويقدمه الإعلامي عمرو أديب: “المساعدة بتاعتي كانت بتعلمني الزغاريد، إني ازغرد بشكل شعبي، هي اللي كانت بتزغرد مش أنا على فكرة، لكن أنا في التصوير دايما لازم يبقى فيه مزيكا وجو ودايما بحط مزيكا على حسب الحالة اللي أنا بشتغل فيها”.
نرشح لك: أشرف زكي ينفي إصابة رامز جلال بالعمى
وعن مشاعرها بعد الطلاق، أجابت: “أنا معنديش أي مشاعر ولا إحساس، يعني أنا بعتبر أن دي إجراءات ورق، يعني أنا مش فرحانة وبتاع لاء هي إجراءات الورق، الطلاق الفعلي حصل من 8 سنين لما عرفت أن إحنا استحالت العشرة مع بعض، فالطلاق نفسيا آه تعبت وقعدت حوالي سنتين أو 3 سنين مش مستوعبة اللي بيحصلي ده، كانت صدمات ورا بعض، لكن أنا خدت الصدمة من 8 سنين مش من دلوقتي، أنا دلوقتي ده إجراءات ورق حصلت حصلت محصلتش مش فارقة معايا”.
أضافت: “لكن طبعا هبقى كذابة لو قولتلك أني مفرحتش، لاء أنا فرحت لأنه على الأقل أنا اسمي مش على اسم الإنسان ده، لأن أنا لحد آخر لحظة محترمة اسمه في حياتي، يعني عاملة اعتبار إني على اسم راجل، فأنا دلوقتي حتى لو أنا مش هعمل أي حاجة مختلفة عن طبيعة حياتي بس فيه حتة إني مش على اسم الراجل ده”.
أوضحت كيفية حدوث الطلاق، قائلة: “أنا حاولت بكل الوسائل اللي هو تغيير ملة بس معرفتش الحقيقة فشلت وهو راح غير ملة وساعدني جدا أن الموضوع يخلص، والطلاق حصل لما هو غير ملته، أنا بس اتطلقت مدني لأني تبع قانون مصر، بتغيير الملة أنا بقيت تبع الشريعة الإسلامية، فأنا متطلقة طبقا للشريعة الإسلامية هو لما يغير ملة إحنا أوتوماتيك بنبقى تبع الشريعة الإسلامية فنتطلق عادي، إحنا اتطلقنا مدني لكن الكنسي لسه، الكنسي إنك تروح الكنيسة والمجني عليه هو اللي بياخد تصريح”.
أشارت إلى أنها لها الحق في الزواج لأن زوجها السابق غير الملة رغم عدم حصولها على الطلاق الكنسي، لافتة إلى أن ابنتيها في عمر الـ 13 عاما وبإتمام الطلاق تم رفع منع السفر عنهما.
