سالي شاهين: موت والدي كسرني

تحدثت الإعلامية والممثلة سالي شاهين عن ذكرياتها مع والدها الراحل، موضحة أنه على الرغم من وفاته في صغرها إلا أنها لها معه ذكريات كثيرة.

قالت “شاهين” خلال لقائها مع منصة “miniz“: “في حتة معينة كسرتني هي موت والدي الله يرحمه، والدي كان من الرجالة اللي بتعمل كل حاجة وبيحب الحياة وكان ضهري، كان دايما يسألني هتعملي إيه لو أنا بقيت مش موجود؟ كنت بقوله هنط من الشباك، وشوفته فترة كبيرة وهو عيان وأنا كنت صغيرة عندي 9 سنين.. كان نفسي يكون موجود دلوقت، بس الحمدلله أنا عندي أم عظيمة وحنينة جدا”.

نرشح لك: بيان من نقابة المهن التمثيلية حول القبض على منة شلبي بتهمة حيازة مخدرات

أضافت: “أنا مبروحش أزور قبره كتير، بس في مرة وأنا في الطريق لقيت فاتحة سالكة كده فروحتله، وحكيتله كل حاجة في حياتي، لما كانوا بيسألوني أهلك رد فعلهم إيه على مشاركتك في مسابقة ملكة جمال مصر، افتكرت وقتها أبويا لما كان بيتفرج على المسابقات دي ويقول نفسي حد من البنات يشارك في الحاجات دي، وأنا كنت على المسرح كنت حساه حواليا”.

أردفت: “أنا ارتبطت واتجوزت مرة بس اكتشفت إني بقيت أبص حواليا وبقيت أخاف من فكرة إني أفقد بتي أدم”.

يشار إلى أن سالي شاهين شاركت مؤخرا في مسلسل “النزوة” مع كل من خالد النبوي، وعائشة بن أحمد، ومراد مكرم، وعمرو صالح، ونور محمود، وزياد النبوي، وبمشاركة مجموعة من الضيوف منهم: سلوى محمد علي، رمزي العدل، ميريت الحريري، ونهى الخولي.