أول مصرية توثق تبرعها بالأعضاء: سينقذ الأرواح
قالت دينا رضا، أول سيدة مصرية توثق توكيلا بالتبرع بأعضائها بعد الوفاة، إن نشر ثقافة التبرع بالأعضاء بالبشرية سيساهم في إنقاذ حياة البشر، مضيفة: “الناس المحيطين بي كانوا يعلمون أني سأتبرع بأعضائي وقالولي أني مش هوصل للنتيجة دي قبل 200 أو 300 سنة”.
وأضافت خلال لقائها ببرنامج “الستات ما يعرفوش يكدبوا“: “أنا كنت واثقة إني هعملها، وأحب أشكر الرئيس السيسي إنه حقق لي حلمي، أنا حاولت التواصل مع مخرجين ومنتجين واتجهت كل الاتجاهات وربنا سمع صوتي وحلمي أنها تتعمل فيلم أو مسلسل يتعرض في رمضان علشان أقوى تأثير للفن”.
تابعت: “وحاولت أتواصل مع الفنانة إلهام شاهين وكمان محتاجين رجال أعمال يساعدوا الدولة، والرئيس شافني وبوجهله نداء وتاني يوم بيقولولي افتحي الفيس الريس سمع صوتك وأنا بشكر الرئيس لأنه حققلي حلمي اللي بحلم بيه من حوالي 45 سنة وبشكره لأنه ساعدني ومحدش ساعدني خالص على الرغم أنهم كانوا يقدروا يساعدوني”.