داليا مصطفى: شريف بعد "فاتن أمل حربي" بقى يمشي بكرشه في البيت

قالت الفنانة داليا مصطفى، أنها تتمنى العمل مع زوجها الفنان شريف سلامة، مؤكدة على أنها ستكون فرصة لطيفة، موضحة أنه عندما يقدم شخصية يعيشها في حياته.

أضافت “مصطفى” خلال لقائها في برنامج “يحدث في مصر المذاع عبر شاشة “mbc مصر” ويقدمه الإعلامي شريف عامر: “شريف بيعيش الشخصية أوي أوي، لما كان بيعمل “فاتن أمل حربي”، وإحنا بنفطر وهو عامل بوقليلة في بوقه كده فقلت له شريف أرجوك خلي بالك وأنت بتاكل، فلقيت سليم بيعمل كده، وقلت له أنت عاجبك كده، قالي أنا بمثل في إيه”.

نرشح لك: داليا مصطفى: مبناخدش 750 ألف جنيه في الساعة زي المدرسين

تابعت: “فجأة بقى بيمشي بكرشه هو طول عمره بيمشي مشفوط كده، فجأة بقى في كرش وماشي مشية مش مشيته خالص، مرة اتخانق مع سليم عشان بيقول له زود لي المصروف عشان عايز أكل سوشي، طلع منه لفظ وشتمه وهو مبيشتمش خالص شريف مؤدب أوي يعني، أنا بتعصب وبتخانق وممكن أضرب لكن شريف عمره ما عمل كده، فأنا سكت وعملت من بنها خالص قالي أنا آسف، أنتي عندك حق، أنا محستش”.

أردفت: “لما كان بيعمل “السهام المارقة”، كان صعب أوي، وكان عنيف عمره ما كان عنيف، أنا ممكن أبقى كده لكن في أدوار معينة، يعني في “الكبريت الأحمر”، كنت بلبس لبس مش لبسي”.

مسلسل “فاتن أمل حربي” من بطولة نيللي كريم، شريف سلامة، هالة صدقي، محمد ثروت، محمد الشرنوبي، خالد سرحان، فادية عبد الغني، جيلان علاء، محمد التاجي. من تأليف إبراهيم عيسى في أولى تجاربه في الدراما وإخراج ماندو العدل وإنتاج شركة العدل جروب للمنتج جمال العدل.

“الكبريت الأحمر” بطولة أحمد السعدني وريهام حجاج وداليا مصطفى والفنان عبدالعزيز مخيون، وسحر رامي، وهو من تأليف دكتور عصام الشماع وإخراج سيف يوسف.