هشام ماجد: الدراما في كأس العالم أكتر من الكورة
قال الفنان هشام ماجد، إن الدراما والمفاجأت كثيرة في مونديال قطر 2022، خصوصا في تألق بعض الفرق الصغيرة على حساب فرق كبيرة.
تابع “ماجد” خلال مداخلة هاتفية مع الإعلامية إيمان الحصري في برنامج “مساء dmc“: “كأس العالم بالنسبالي حدث مهم بستناه كل أربع سنين من وأنا صغير، البطولة دي بالذات مختلفة لأنها فيها مفاجاءات كتيرة والدراما فيها أكتر من الكورة والأخداث والفرق الصغيرة اللي بتكسب فرق كبيرة”.
نرشح لك: عمرو أديب لـ المطالبين باستضافة مصر لكأس العالم: في أولويات
أضاف: “وفي تألق عربي أفريقي أسيوي كبير في البطولة دي، وكل دي حاجات مشرفة جدا والواحد فرحان بالتألق العربي ده، أنا شايف إن دي أحلى نسخة كأس عالم من زمان”.
أردف: “اللقطات اللي بتحصل لو اتعملت فيلم مش هتتظبط كده، وأتمنى المغرب يوصل للأدوار النهائية ويعدي وهو فريق ماشي بشكل كويس لكن مهمته صعبة جدا”.
في سياق منفصل، أكد الفنان هشام ماجد، استمرارية ثنائيته مع الفنان شيكو، الذي طالما أدى معه العديد من الأعمال خلال مشواره الفني، لافتا إلى أن هناك اتفاق بينهما على عدم تقيد أي منهما بالآخر في حالة وجود عمل مناسب لأي منهما.
أضاف “ماجد“ خلال لقائه مع برنامج ”بالعربي ET”: “بينا اتفاق ضمني إن اللي عنده مشروع حلو يعمله وأحيانا بيبقى في مشروع ما يصلحش ليا أنا وشيكو بس ممكن يصلح ليه لوحده أو ليا لوحدي، واللي بنلاقيه حلو بندخله، وحاليا إحنا شغالين على فكرة فيلم“.