وفاء سالم عن عمليات التجميل: "مبقتش طايقة نفسي"

قالت الفنانة وفاء سالم، إن الصورة المتداولة لتغير شكلها بسبب عمليات التجميل ليست حقيقية بالكامل، وإنما تم التدخل فيها عن طريق برامج “الفوتوشوب”، موضحة أنه لم يحدث خلل في وجهها لهذه الدرجة.

أضافت “سالم” خلال لقائها في برنامج “كلمة أخيرة” المذاع عبر شاشة “ON” وتقدمه الإعلامية لميس الحديدي، أنه تم استدراجها في بداية الأمر، وقامت بحقن بوتكس وفيلر ولكنها لم تعلم أن نوعهم ليس جيدا، لافتة إلى أنها لم تكن تعرف الطبيب الذي كان يحقن لها تلك المواد.

نرشح لك: وفاء سالم تروي تفاصيل محاولتها للانتحار

أشارت: “الفيلر لازم تبقي عارفة مين اللي بيحقن لك وتبقي على ثقة تامة في الدكتور اللي بتتعاملي معاه، أنا مكنتش عارفة أميز خصوصا إني بشوف الدكاترة على الشاشات دكاترة كبار، الأول قالوا هنعملك حاجة فيها نضارة واكتشفت أنها حقن، وعملوا لي حقن في شفايفي، وشفايفي تمام مش محتاجة حقن ولما جيت أتكلم لقيت إني مش عارفة أملك الحروف”.

أوضحت: “عملولي زي سداغ كده كبيرة، وخدودي كبرت من حقن الدهون، خدوا دهون مني وقالوا لي ده صحي، كتر الكلام بيخليكي تصدقي، وعملت خيوط، كل دكتور بيجود على التاني يجي الدكتور اللي بعده يقول لي هعملك خيوط ترفع الخد ميبقاش مدلدل، عند كل تجربة الاقي الدنيا بتبوظ مني لحد ما بقيت مش طايقة نفسي”.