هاني عادل يتحدث عن والده: كان شياكة وبيحب الحياة

شارك الفنان هاني عادل، الجمهور بمنشور استعاد من خلاله ذكرى جمعته بوالده الراحل.

كتب “عادل” عبر حسابه الشخصي على موقع “فيس بوك”: “من كام يوم أبويا جه على بالي والصورة اللي كانت مسيطرة عليا وأنا بإيدي الصغيره بلمس وشه وهو مش حالق دقنه بقاله يومين لأنه كان متعود يحلقها كل يوم.. كان راجل شياكة بيحب الحياة.. ادعوله بالرحمة”.

نرشح لك: محمود سعد ناعيا مفيد فوزي: “قصة نجاح كبيرة”

في سياق آخر كان الفنان هاني عادل، قد أعرب عن حبه لأغاني الراب، لا سيما أغنيات ويجز وشاهين بسبب كلماتها التي تكسر الملل، وتتناول مواضيع مختلفة.

أضاف “عادل” عبر حسابه الشخصي على موقع التواصل الاجتماعي “فيس بوك”، أن “الراب سين” يجب أن يحمل رسالة بمشاكل الجيل الجديد وما يواجهه، كاتبا: “مش متخيل (genre) موسيقي كامل مبيتكلمش عن أي حاجة في الأغاني غير إنه جامد وأنا معايا أجمد واحدة وأنا مش فاضيلك وبعمل فلوس في البنك مفيش دلوقتي إلا اتنين هما اللي بيغنوا كلام مختلف ويجز وشاهين بشكركم بجد لأنكم من وقت للتاني بتكسروا الملل”.

تابع: “يا جماعة أنا بحب (الراب سين) جدا ومجهوداتهم صدقوني إنتوا ممكن تغيروا تفكير جيل كامل بيسمعكوا، إتكلموا عن مشاكلهم النفسية يا جماعة مشاكلكم مع الجيل اللي مش فاهمكم مشاكلكم العاطفية مينفعش يبقي كلكم يعني بتعرفوا واحدة علشان جامدة وبتسيبها أول ما تشوف الأجمد منها”.

أوضح عادل أنه يرى أن سبب نجاح أغنية “البخت” لويجز أنها حقيقية، مردفا: “أظن علشان كده أغنية البخت كانت حقيقية لأن أول مرة أسمع إن حد من السين إتسحل ورا واحدة مش عارف هي بتحبه ولا لا معندكمش مشاكل؟ يعني سقف طموحك إنك تبقى أجمد من مغني تاني ومن أخصامك؟”.

اختتم هاني عادل تعليقه موضحا أن أساس الراب هو الكلام والكتابة، لذلك يجب عليهم تطوير ما يقدموه حتى لا ينفر منهم الناس مستقبلا، كاتبا: “وحتى لو كده أكتر من 100 مغني راب بيقول نفس الحاجة ده ينفع برضه؟ ده إنتوا أجمد حاجة عندكم الكلام والكتابة أرجوكم إشتغلوا شوية على ده علشان الناس تفضل تسمع، يعني أرجوكم شوية إبهار بالمواضيع بقى مش بس تكنيك الكتابة والقوالة الموضوع حاجة مهمة لو مكانش أهم حاجة، أنا بقول ده علشان بحب أسمعكم ونفسي الناس اللي بتحبكم متبطلش تسمعكم بعد شوية”.