لماذا رفضت يسرا المشاركة في أعمال عالمية؟
قالت الفنانة يسرا إنه عُرض عليها المشاركة من قببل في إحدى الأعمال العالمية، لكنها رفضت العمل.
تابعت يسرا خلال لقاء مع برنامج “أسرار النجوم، المذاع عبر إذاعة “نجوم إف إم” مع إنجي علي: “معجبنيش الموضوع، هو أشتغل النهاردة وأقعد في بيتنا بكرة؟ أنا أشتغل النهاردة وبذكاء.. الموضوع معجبنيش خالص”.
نرشح لك: نبيلة عبيد: لا أرغب في تقديم سيرتي الذاتية
تابعت: “أقسم بالله أتعرض عليا وقتها وكان في التمنينات، مبلغ مخيف، مكنش بيتسمع، بس قولت لأ.. وأتعرض عليا فيلمين واحد في أمريكا، وواحد كان هيتنفذ في أمريكا والاتنين معجبونيش، وأتعرض عليا بردو فيلم فرنساوي وبردو معملتوش”.
أضافت: “وأنا النهاردة لما بشوف تاريخي الفني، أنا ست عالمية هعوز إيه تاني؟ أنا النهاردة ست العالم كله بيعرفني من خلال شغلي في بلدي وبيتي ومكاني اللي مخليني أنا النهاردة”. مشيرة إلى أن المخرج الراحل يوسف شاهين هو أول من عرفها بالعالمية والعالم الخارجي.
أردفت: “عادل إمام خلاني أحضن جمهوري في في الوطن العربي كله، وبقينا عالميين ودويتو سوا وكل الناس حابينه وعايزينه دايما مع بعض”. لفتت إلى أنها كانت سيدة محظوظة لتعاونها مع أشخاص مهمين في مسيرتها الفنية مثل عادل إمام الذي مثلت معه ما يقرب من 17 فيلم، وكذلك المخرج يوسف شاهين الذي شاركته كل أفلامه باستثناء أفلام قليلة جدا.