متابعة تشكو: جوزي بيبص بره وعينه زايغة.. عمرو الورداني يرد
رد الدكتور عمرو الورداني، أمين الفتوى بدار الإفتاء المصرية، على سؤال متابعة تقول فيه: “أنا بيتي بسبب أن جوزي بيبص كتير بره وأنا تعبت معاه كتير، الأول كان بيبص ومبيراعيش شعوري خالص، كان يقولي أنا راجل وأنتي نكد وملكيش تتكلمي آخر مرة ظبطه مع واحدة”.
قال “الورداني” خلال حلقة اليوم من برنامج “ولا تعسروا” المذاع عبر شاشة “الأولى المصرية”، أن “العين الزايغة” نوع من أنواع الاستجابة للنفس الأمارة بالسوء، موضحا أن النفس الأمارة بالسوء قد تنحدر بالشخص إلى ما أسوء من” العين الزايغة”، مشيرا إلى أنه هذه الزوجة يجب أن يكون لها مصدر رزق لتأمن أسرتها.
نرشح لك: شاهد.. نصائح هامة للأمهات لتفادي تأخر الطفل في النطق
أوضح: “طالما هو حاسس طول الوقت أنه ضامنك يعني معندكيش أي شيء غير إنك ترضي بالأمر الواقع هو مش هيتغير، هو لازم يحس إنك رافضة ده، رافضة أن حياتك تكمل بهذه الطريقة، فلا تكوني عونا لنفسه الأمارة بالسوء عليه، أدخلي جزء جديد على حياتك، لو كنتي بتعملي أرجعي بالعمل”.
أشار: “زوجك ده ممكن يكون مش شايفة أصلا، في آفة عند الراجل أبو عين زايغة إنك مضمونة، في بعض الأحيان هو لازم يحس أنه شخص أذى اللي حواليه، هو عايز يقولك أنا مبأذيكيش في حاجة، ده منطق خبيث للنفس الأمارة بالسوء، أنتي لازم تفهميه أن اللي بيعمله له أثر سيء على حياته”.
أردف:” لازم وقفة وأول إجراء هو إنك تأمني عائلتك، والإجراء إنك تقوليله تعالى نتكلم بصراحة، إيه اللي بيخليك تعمل كده؟ لأن ممكن يكون عندك شيء من التقصير، مش بقولك أنتي متهمة إنك دفعتيه لده، بس ساعده وخلاه عنده مبرر آه ممكن”َ.