عمرو أديب للتجار: مش لازم تكسبوا السنة دي

قال الإعلامي عمرو أديب، إن مصر كلها في مركب واحدة، وإذا حدث ثقب في هذه المركب سنغرق جميعا، موضحا أن هناك أزمة عالمية يجيب أن نواجهها جميعا بما في ذلك الحكومة والدولة.

أضاف “أديب” خلال حلقة اليوم من برنامج “الحكاية” المذاع عبر شاشة “mbc مصر”: “يا جماعة إحنا كلنا في مركب واحدة اللي هيعمل خرم في أي حتة في المركب هنغرق كلنا، هذه أزمة جماعة يجب أن نواجهها جميعا، وأنا لما بقول جميعا يبقى معانا الحكومة والبلد كلها، مش بقول أن دي حاجة للمواطنين بس مش كل الناس الآن في ارتياح محدش مرتاح حتى اللي عنده شركة تطوير عقاري كبيرة تعالى النهاردة كلمه أن طن الحديد النهاردة وصل 25 ألف جنيه هيقولك أنا هبني إزاي أنا مش بايع بالسعر ده”.

نرشح لك: لجنة تراخيص المحال: لا يوجد في القانون ما يسمى بالموافقة الأمنية

أشار:” أرجوكم متكسروش السوق مصر من أهم مميزاتها أنها سوق كبير وقوي لا تكسروا السوق، متبوظوش السوق، ما أنت ياما كسبت، هو أنت لازم تكسب السنة دي، أخسر شوية من أرباحك، هما كام شهر اللي باقيين العالم شايف الدنيا هتتنفس نص السنة الجاية”.

أردف: “الناس اللي في صناعة الدواجن بتتحدث أن الصناعة دي ناس كتير هيخرجوا من المنظومة، كل يوم السعر بيزيد واللي مش قادر أفهمه أن الدولة بتقول بخرج أعلاف وكل يوم العلف بيزيد، البيض زاد 4 جنيه النهاردة، في حاجة غلط قي السوق، ده مش سوق ده سوء”.

عمرو أديب

MBC مصر الإعلامي عمرو أديب التجار برنامج الحكاية رئيسية نيوز ليتر