شريف منير يبكي على الهواء بسبب مشهد وفاة صلاح عبد الله في "إيجار قديم"
دخل الفنان شريف منير، في نوبة بكاء، بسبب مشهد وفاة الفنان صلاح عبد الله، في مسلسل “إيجار قديم”، موضحا أن تذكر العديد من الذكريات خلال هذا المشهد.
أضاف “منير” خلال لقائه في برنامج “كلمة أخيرة” المذاع عبر شاشة “ON” وتقدمه الإعلامية لميس الحديدي: “المشهد ده وجعني أوي، لأني افتكرت حاجات كتير، افتكرت أبويا وأمي وكنت بمر بظروف وحشة أوي في الوقت ده، ويومها كنت عارف من ساعتين نبأ وفاة هشام سليم، فكل الحاجات دي على بعض تعبتني جدا”
نرشح لك: ميمي جمال: شخصيتي في “إيجار قديم” ليست كوميدية
أشار: “إحساسي أن صلاح عبد الله ممكن يبقى في الوقف ده تعبني أوي بجد، المشهد ده كان ممكن يتعمل بأني أقول الكلام ورا بعضه كده ويتقطع من هنا ومن هنا وهيبقى مؤثر وكل حاجة، بس طريقة إخراج المشهد ده هي اللي وجعتني وجسدت إحساسي أكتر، اللي عمله طارق رفعت إني في لحظات بقول الكلام ولحظات وشي مبيتكلمش بس الكلام شغال في الخلفية هو ده إخراج المشهد”.
يذكر أن مسلسل “إيجار قديم” من بطولة شريف منير وصلاح عبد الله ومحمد الشرنوبي وفرح، سيناريو عمرو الدالي، وإنتاج كريم أبو ذكري، وإخراج طارق رفعت.