بسبب إحساسه بالنجومية.. إيناس الدغيدي تحكي قصة عتابها لـ أحمد زكي
قالت المخرجة إيناس الدغيدي، إنها لا تريد إدارة مهرجان ما، لأنها ليست بارعة في العمل الإداري.
أضافت “الدغيدي” خلال لقاء لها مع برنامج “أسرار النجوم“، مساء الخميس، المذاع عبر إذاعة “نجوم إف إم” مع إنجي علي، أن تقديمها للبرامج أفادها في التواجد على الساحة، لأن بعض المخرجين الذين قررروا الابتعاد لأسباب متعلقة بسوق العمل تعرضوا للنسيان.
نرشح لك: نبيلة عبيد عن عدم إنجابها: كان اختياري
أوضحت أن الأمر يعود إلى أن قيمة المخرج لم تعد كما كانت في السابق، وتحول الموضوع إلى أن النجم أساس الفيلم بعكس زمان.
تابعت: “مهنة المخرج مبقتش زي زمان، بقى النجم هو المهم. أنا بقول زمان كنت بشتغل مع آلهة زي صلاح أبو سيف وبركات وحسن الإمام ويوسف شاهين، كل دول آلهة كانوا. المخرج يدخل إله. أنت لو ضيعت هيبة المخرج ضيعت هيبة الفيلم”. مؤكدة أن ذلك مضر بالنجم نفسه.
أردفت: “أنا اتخانقت مع أحمد زكي في أحد الأفلام، وهو أفتكر نفسه نجومية، فأنا قولتله أنت بتعمل النجومية دي على الولاد اللي بيقولولك يا أحمد زكي في الشارع، بس أنت هنا زيك زي العامل اللي بيشيل الكاميرا، فأنت في البلاتوه زيك زي العامل اللي بيشيل الكاميرا، أنت جوا البلاتوه تسمع كلام المخرج لأنك لو مسمعتش كلام المخرج مفيش حد هيسمع كلامه”.
أكدت أن القيم اختلفت عن زمان، وأن هيبة المخرج التي ضاعت على حساب النجم أدت إلى فجوة كبيرة. مردفة: “أنا اشتغلت مع أكبر النجوم، ومفيش نجم اخترني أنا اللي كنت بختار النجوم، وكان بيجي وبيشتغل ومقتنع جدا وأنا ست وممكن يقولك ست هتتحكم فيا بس دا عمره ما حصل ولا حسيته، النجم بيسمع الكلام، بس النهاردة خلاص”.