رضوى الشربيني عن طلاق غادة عبد الرازق: إنشالله تتجوز 20 مرة
علقت الإعلامية رضوى الشربيني على خبر طلاق الفنانة غادة عبد الرازق، وتصدره التريند على مواقع التواصل الاجتماعي في الأيام الأخيرة.
تابعت “الشربيني” خلال برنامج “هي وبس” المذاع عبر شاشة “cbc سفرة”: “الناس مسابتش حاجة إلا وقالتها على الست دي في اليومين اللي فاتوا، بيقولوا اتطلقت للمرة 12 لكن هي قالتلي إن الرقم الحقيقي هو 9 مرات، هتقولولي 9 من 12 مفرقتش.. أه مفرقتش، إنشالله تتجوز 20 مرة، حلال ربنا ولا مش حلال ربنا؟”.
أضافت: “حضرتك عارف الست دي عانت أد إيه ولا شافت إيه في حياتها؟ وبعدين هي حرة، أنت بتمد إيدك في جيبك وتصرف عليها؟ هي كانت هتتجوزك مثلا ومعرفتش؟ محروق أوي ليه؟”.
أردفت: “أه غادة عبد الرازق كانت بتختار غلط عشان مل مرحلة كان بيبقى عندها احتياج معين لشيء ما فكانت بتشوفه في الشخص ده وبتاخده، إيه بقى الغلط اللي عملته إنها اتجوزت 9 مرات واتطلقت؟”.
كانت الفنانة غادة عبد الرازق، كشفت عن انفصالها عن زوجها مدير التصوير هيثم زنيتا، بعد زواج دام عامين ونصف.
أكدت “عبد الرازق” خبر الطلاق لـ”ET بالعربي“، بينما رفضت الإفصاح عن الأسباب التي أدت إلى انفصالها عن هيثم زنيتا.
ويأتي خبر الطلاق بعد تصريح “غادة” خلال لقائها مع برنامج “What Women Want”، عن خروجها من السباق الرمضاني 2023، إذ قالت إنها لن تشارك في السباق الرمضاني المقبل، مشيرة إلى أن لديها حسابات كثيرة، أولها سينمائي وثانيها شخصي، ومؤكدة أن خطة السباق الرمضاني 2024 ستكون مختلفة تمامًا.