دومينيك حوراني: مفيش رجالة في العالم زي المصريين
كشفت الفنانة اللبنانية دومينيك حوراني عن تفاصيل علاقتها بـ ببعض زملائها في الوسط الفني، بجانب الحديث عن الرجل المصري ومدى إعجابها به.
قالت دومينيك حوراني، خلال حوارها مع الإعلامية مروة صبري، في برنامجها “قعدة ستات” المذاع على قناة “القاهرة اليوم”: “بحب محمود الليثي كفنان، وسعد الصغير كمان، وعصام كاريكا، عرفاه من زمان، وعمر كمال، وبحب أغانيه عشان بترقصني، وبتخليني مبسوطة، وأكتر أغاني بحبها لعمر كمال، أنتي معلمة وبسكوتاية مقرمشة، وكل أغاني حلوة”.
نرشح لك: فرح الديباني تكشف كواليس غنائها النشيد الفرنسي في نهائي مونديال 2022
دافعت عن أغاني المهرجانات الشعبية، قائلة: “روحي أي فرح دلوقتي، هتلقي الأغاني اللي شغالة أغاني المهرجانات، وده بسبب أن إيقاع الأغاني دي حلو وبيرقص، والناس عاوز تتبسط، خاصة بعد فترة كورونا دي بقى عندنا كبت، فلازم نطلعها بالرقص والفرح”.
كما أعربت دومينيك حوراني عن إعجابها بالرجل المصري: “الراجل المصري عسل، وبيقول كلام حلو أوي طول الوقت، زي يا مزة يا قمر، ومش هتلقي رجالة في العالم كله زي الرجالة المصريين، فالراجل اللبناني بيدلع وبيكون عامل زي البيبي، لكن الراجل المصري بيدلع أكتر، وبعرف أدلع الراجل”.
تابعت: “وكل حاجة ليها وقتها، وكل حاجة بتعمليها لزم تضعي شوية حب، زي حبك للراجل حبك للبيت، وأنا بأمن بالحب من أول نظرة، عشان تاني نظرة بيختفي”.
برنامج “قعدة ستات”، تقدمه مروة صبري على قناة القاهرة اليوم، يوم السبت من كل أسبوع، وتستضيف خلاله عددا من نجوم الفن والشخصيات العامة.