جابر القرموطي متأثرا بدموعه: الأم المصرية أعظم أم في الدنيا
بكى الإعلامي جابر القرموطي، أثناء مشاهدة برومو برنامج “كابيتانو مصر”، بسبب تواجد الأمهات بجانب أولادهم لدعمهم ومساندتهم في المسابقة، موضحا أن الأم المصرية عظيمة بكل ما تحمله الكلمة من معنى.
قال “القرموطي” في برنامج “مانشيت” المذاع عبر شاشة “CBC”: “الشيء بالشيء يذكر، اللافتة اللي عملها لاعيبة المغرب أن أمهاتهم تنزل الملعب، دايما متعودين على الزوجة اللي بتنزل الملعب، لكن المغاربة عملوا حاجة عظيمة أنه يفرح مع أمه في المعلب والمدرجات، دي دراما”.
نرشح لك: مصير المواهب الفائزة في مشروع “كابيتانو مصر”
أضاف: “الأم بتديك إحساس أن المشوار طويل وعظيم لما ينجز، المشوار صعب بس لما ينجز مع أمك وجدتك.. أنا أبويا أكتر واحد تعب معايا، بس الأم المصرية عظيمة بكل معاني الكلمة، في كل مجال من المجالات الأم أكتر واحدة بتتعب مع أولادها”.
أردف: “الأم بتجيب وتودي وتحتضن وتحتوي وبتأمن البيت، هي دي الأم المصرية، أعظم أم في الدنيا هي الأم المصرية، ومن أكتر الأمهات اللي بتحمل على نفسها الأم المصرية، ومفيش بيت ناجح إلا وفيه أم مصرية ناجحة، البيت عندنا في مصر هو أم، الأم دي حاجة عظيمة”.