الشيخ عويضة عثمان يحذر من حديث الفتيات مع الشباب على "فيس بوك"
حديث الفتيات مع الشباب
قال الشيخ عويضة عثمان إن مكارم الأخلاق التي جاء النبي صلى الله عليه وسلم ليتممها كما قال في حديثه الشريف، باتت غائبة عن الناس في الوقت الحالي.
أضاف “عثمان” خلال حلقة اليوم، من برنامج “الدنيا بخير” مع الإعلامية لمياء فهمي، على قناة “الحياة”، تعليقًا على متابع يريد تطليق زوجته بسبب حديثه معها قبل الزواج على “فيس بوك” قائلًا: “الإنسان اللي بيتكلم مع واحدة على فيس بوك، ليه بيتجاوز؟ ليه بيتكلم أصلًا؟ المفروض عرف الاسم يروح يخطبها على طول ويدخل البيت من بابه”.
نرشح لك: حسام موافي يروي قصة متسولة طلبت 5 آلاف جنيه يوميا
أضاف: “البنت بتتأثر أكتر من الرجل، لأنها حاجة جميلة لو اتكسرت صعب تتصلح، هي ليه تكلم؟ البنات لما حد بيكلمها ويوعدها بالجواز بتقع وتآمنله، واتجوزوا، والشيطان بقى بيوسوس، فاحنا هنا بنقوله اقف ومتسمعش الشيطان، لأنه تدخل بينكم، هي وثقت فيك وسلمتك كل عواطفها ومشاعرها، وبقت زوجتك وأم بنتك ونحاول نلتمس العذر ليها وننسى الفترة اللي فاتت دي”.
تابع: “والأمر التاني مين اللي أفسدها؟ مش أنت السبب؟ بعد ما فتحت ليها باب الفتنة دي تحاسبها؟ ما تحاسب نفسك، فلكل شاب بيخاطب بنت اتقي الله وكل بنت اتقي الله في أسرتك ونفسك”.
وأكد الشيخ على ضرورة التزام كل فتاة وفتى بالأخلاق أثناء تعاملاتهما، وألا يفتحا بابًا للشيطان، لأن ذلك يهدم الأسر.
View this post on Instagram