عمرو وهبة: حسين الجسمي محترم بشكل ينرفز
أعرب الفنان عمرو وهبة، عن سعادته بالمشاركة في الاحتفالية الرابعة من “قادرون باختلاف”، للأطفال ذوي الهمم.
كتب “وهبة” عبر حسابه الرسمي على موقع الصور والفيديوهات “إنستجرام”: “مبسوط أوي إني اشتغلت مع كل النجوم اللي شاركت فى اليوم المهم اللي زي يوم قادرون باختلاف.. وشكراً لكل اللى ساهمو فى اليوم ده وخلوا كل الأطفال دي وأهاليهم مبسوطين”.
نرشح لك: رد فعل الرئيس على طفلة من ذوي الهمم غلبها النوم على المنصة
أضاف: “تاني حاجة يا جماعة حسين الجسمي بجد مؤدب وطيب ومحترم ومهذب بشكل ينرفز، سلمت عليه 200 مرة، واتصورت معاه تلات آلاف مليار مرة وكل مرة كان بيرد عليا رد مؤدب أكتر من المرة اللي قبلها”.
View this post on Instagram
في نفس السياق، كان الرئيس عبد الفتاح السيسي، قد طالب الإعلامي إبراهيم فايق، بترك إحدى الفتيات القادرات باختلاف وعدم إزعاجها بعد أن غالبها النوم على المنصة قائلا: “بنتنا اللي نامت دي سيبها.. أيوا سيبها يا سيدي هي مع ربنا بقى”.
من جانبه قال إبراهيم فايق خلال تقديمه فقرة أسأل الرئيس، خلال احتفالية “قادرون باختلاف”، في نسختها الرابعة: “هي مستنية حضرتك بقالها كتير جدًا، وأنا واقف في موقف صعب”، ليرد عليه الرئيس: “ممكن استنى وأقعد ساعة”.
لتردّ الطفلة تالية على الإعلامي إبراهيم فايق فور بدء حديثه معها، ليمازحها الرئيس: “إنتي صاحية يا تالية بقى، إزيك يا حلوة”، لترد الطفلة: “صباح الخير يا ريس”.
وسالت الطفلة الرئيس قائلة: “بسأل الرئيس: حضرتك عندك أحفاد؟ إزاي بتعقد معاهم وسط المشاغل”.
رد الرئيس: “أيوه عندي أحفاد ويوم الجمعة بعد الصلاة بتغدى معاهم في الغالب، وبيبقى فيه فرصة اتكلم معاهم وأقعد معاهم”.