عمر خورشيد: أرفض تجسيد زوجتي لأدوار الإغراء
أوضح الفنان عمر خورشيد حقيقة تصريحاته حول موافقته على تجسيد زوجته الفنانة ياسمين الجيلاني لأدوار إغراء.
قال “خورشيد” خلال لقائه مع برنامج “القاهرة اليوم”: “أنا كنت في لقاء وسألوني أنت ليه مقعد مراتك في البيت؟ قولتلهم لأ أنا مقعدتهاش ف البيت هي اللي بعد ما بقى في حمل، قالت أنا عاوزة أهتم ببنتي في سنينها الأولى، لكن أنا ماليش إني أقعدها في البيت هي ممثلة من قبل ما أتجوزها”.
نرشح لك: هنا الزاهد تنفي اعتذارها عن فيلم تامر حسني
أضاف: “قالي لو اتعرض على مراتك أدوار إغراء توافق؟ قولتله يا عم هو بقى في أدوار إغراء، ونزل المانشيت إني لو اتعرض على مراتي أدوار إغراء هوافق”.
أردف: “ياسمين الجيلاني بتمثل من قبل ما أنا أمثل وفنانة محترمة جدا، وليها أسلوبها في الفن وأنا مقدرش أتدخل فيه ولا في اختياراتها، بس هي لو جت سألتني الدور ده في بوسة أعمله ولا لأ؟ مين ده اللي يبوسك؟ مفيش الكلام ده.. أنا شرقي شوية بصراحة”.
