رامي صبري: ممكن حد يعمل أغنية بـ2 جنيه وتعدي الناس

قال الفنان رامي صبري، إنه عندما يسافر إلى الخارج للغناء فهو يمثل مصر، ويجب أن يكون على قدر هذا الاسم، فليس كل المطربين المصريين لديهم الإمكانية أو النجاح الذي يؤهلهم إلى الغناء خارج مصر.

أضاف “صبري” خلال مداخلة هاتفية في برنامج “التاسعة” المذاع عبر شاشة “الأولى المصرية” وتقدمه الإعلامية شافكي النميري: “إحنا فنانين كلنا بنبقى عايزين نلبس كويس وشكلنا يبقى حلو ونختار ونغني كويس لكن في الآخر بيجي الجزء بتاع الورقة والقلم صرفنا كام وهنجيب كام، أنا الموضوع ده عمري ما هفكر فيه لأنه مش بتاعي، أنا يهمني جدا أن أي صورة أو أغنية تنزل لي أن جودتها تبقى حلوة وحاجة جديدة ومختلفة”.

نرشح لك: عمر كمال: التكاتك سبب في شهرتنا

أشار: “إحنا كمطربين مش كلنا بنسافر برا، مش كل المطربين عندهم الإمكانية أو النجاح اللي يخليهم يسافروا برا والناس تحطهم في حتة كبيرة، فلما بسافر برا بحس إني بمثل بلدي، فلازم أكون قد هذا الاسم، بالأغنية والأداء والصوت”.

أردف: “الناس اللي بيشتغلوا معايا كلهم شاطرين، وبنقعد نقول الأغنية دي بتاعت اليوتيوب وفي الآخر الأغنية بتنزل تمشي لوحدها ولا إحنا بنخطط ولا حاجة، لو قولتلك أنا مخطط أبقى كذاب، أنا بخطط بس إني أعمل أحسن حاجة.. الموضوع دلوقتي مبقاش بالجودة ممكن واحد يعمل أغنية تحت السلم باتنين جنيه وتعدي كل الناس، لكن لازم نحافظ على الفن”.